«Aqtaý teńiz porty» arnaıy ekonomıkalyq aımaǵy jańǵyryp keledi

Jıyrma jyl boıy óz tirligin júr­gizip, ónimdi saqtaý jáne je­ńil ónerkásiptik ónimder shy­ǵa­rý­men aınalysqan aımaq­tyń jumysyn jandandyrý el Pre­zıdenti Q.Toqaevtyń «Ádilet­ti memleket. Birtutas ult. Bere­keli qoǵam» atty Qazaqstan hal­qy­na Joldaýynda aıtylǵan eko­nomıkanyń naqty sektoryn damytý, arnaıy ekonomıkalyq aımaqtardy damytý úshin múlde basqa saıasatqa kóshý týraly bir­qatar naqty tapsyrmasy aıasynda júrgizilip keledi.

Aqtaýdaǵy ekonomıkalyq aı­maq­ta tirkelgen 47 kompanııa tur­ǵyndardy 1 700-den astam jańa jumys ornymen qam­ta­masyz etip otyr. Aımaqqa jalpy kólemi 266,1 mlrd teńgeni quraıtyn ın­vestısııa, ıaǵnı 168,7 mlrd teń­gege sheteldik ınvestısııa salynsa, 406,7 mlrd teńgege ónim óndirilip, 54,2 mlrd teńge salyq tólendi. Kózge kórinbegenimen, bul eko­no­mıka úshin aıtarlyqtaı qol­daý. «Aqtaý teńiz porty» ar­na­ıy ekonomıkalyq aıma­ǵy­nyń elimizdegi ekonomı­kalyq aı­maqtar arasynda kóshbas­shy­­lar qatarynan tabylýyna taǵy bir sebep – atalǵan aı­maq­­ty qurýǵa jumsalǵan bıýdjet qarajatynyń 1 teńgesine 34,1 teńge jeke ınvestısııa tar­tylyp, 6,9 teńge salyq aýdarymdary tólengendiginde. Bul da ózge óńirlermen salystyrǵanda teńiz jaǵalaýynda ornalasqan aımaqtyń shoqtyǵyn bıiktete túsedi.

Eksportqa baǵyttalǵan eko­no­mıkalyq aımaqtardyń biri bol­ǵandyqtan, eksporttyń ne­giz­gi arnalary Ázerbaıjan, Re­seı, О́zbekstan, Ýkraına, Ger­­ma­nııa, Fransııa elderi. Al Aq­taý aımaǵyna mańdaı tire­gen sheteldik ınvestorlar ara­synda Qytaı, Ulybrıtanııa, Ázerbaıjan, Sıngapýr, Túrkııa, Germanııa.

Aqtaýdaǵy ekonomıkalyq aı­maqta qyzmettiń 25 basym túri aıasynda óndiris bar. Aımaqta materıaldar óndirisi, munaı-hımııa, qurylys ónerkásibi úshin materıaldar, mashınalar men jabdyqtar óndirý syndy óńdeý ónerkásibi, qoıma jáne logıstıka, týrızmdi damytý negizgi baǵyttar bolyp otyr. Sondaı-aq jobalardy iske asyrýǵa jaǵdaı jasalyp, qajetti ınfraqurylym júrgizilgen, sa­lyqtyq jáne kedendik prefe­ren­sııalar usynylady, jobalardy súıemeldeý jáne olardyń monıtorıngi júzege asyrylady, ınvestorlarǵa jergilikti atqarýshy jáne ýákiletti organ­dar­men, mamandandyrylǵan uıym­darmen ózara is-qımyl jasaýda járdem kórsetiledi.

«Arcellor Mittal Tubular Products Aktau» AQ úlken dıametrli bolat qubyrlardy shyǵarý zaýyty, «Kazakhstan Pipe Threaders» JShS «premıým» klas­ta gaz germetıkalyq jalǵaýmen qubyrlardy kesý zaýyty, Aqtaý halyqaralyq teńiz saýda portyn soltústik baǵytta keńeıtý jónindegi jobasy – «Aqtaý Teńiz Soltústik Termınaly» JShS ekonomıkalyq aımaqta iske asyrylǵan strategııalyq jobalar bolsa, 2016 jyly paıdalanýǵa berilgen «Azersýn óndiris jáne logıstıka ortalyǵy» JShS iri logıstıkalyq ortalyǵy bazasynda áleýmettik mańyzy bar azyq-túlik taýarlaryn saqtaý úshin turaqtandyrý qory quryldy.

Ekonomıkalyq aımaqta týrızm salasy belsendi damyp ke­ledi. Onyń ishinde iri joba­lardyń biri – «Sembol Constructon and Engineering» JShS 2020 jyly paıdalanýǵa bergen Rixos Water World Aktau kóp­fýnk­sıo­naldy qonaqúı kesheni. AEA aýmaǵyndaǵy árbir joba óziniń mýltıplıkatıvtik áserin kórsetedi, eksportqa jáne ishki suranysty jabýǵa baǵdarlanǵan ónimniń jańa túrleri shyǵary­la­dy, jańa jumys oryndary qurylady, salyq túsimderi qamtamasyz etiledi. «Aqtaý teńiz porty» arnaıy ekonomıkalyq aımaǵynyń óńirde jumys isteýi eleýli áleýmettik-ekonomıkalyq tıimdilikke negizdelgen jáne óńir­ge ınvestısııalar tartý úshin qo­laıly alań.

Atalǵan alańda búgingi barmen toqtap qalmaı jumysty jań­ǵyr­tý men zamanaýı jetildirý únemi nazarda, jańǵyrý arqyly jetis­tik­ke jetý basty orynda tur.

Mańǵystaý oblysy