Birqatar zań jobalary maquldandy

Keshe Májilis depýtattary palata Tóraǵasy Qabıbolla Jaqypovtyń jetekshiligimen ótken jalpy otyrysta Úkimet pen Respýblıkalyq bıýdjettiń atqarylýyn baqylaý jónindegi esep komıtetiniń 2013 jylǵy respýblıkalyq bıýdjettiń atqarylýy týraly esepterin talqylap, Senatqa joldady. Syrtqy suranystyń tómen­deýine qaramastan, qazaqstandyq eks­porttan turaqty tabysty qamta­masyz etetin shıkizatqa álemdik baǵanyń salystyrmaly joǵary deńgeıi ekonomıkanyń ósimine yqpal etetin syrtqy faktor boldy. 2013 jyly Qazaqstannyń negizgi eksporttyq taýary – munaıǵa ortasha baǵa barreli úshin 108,9 dollar deńgeıinde bekidi, bul bıýdjetti qalyptastyrý kezindegi boljamdy baǵadan 2,6 dollarǵa joǵary. Halyqtyń ortasha jan basyna shaqqandaǵy aqshalaı tabystary 2013 jyly 3,0 %-ǵa ulǵaıdy jáne 674,9 myń teńgeni qurady. Qazaqstan Respýblıkasy Sta­tıs­tıka agenttiginiń aldyn ala de­­rek­teri boıynsha, 2013 jyly ju­­mys­­syzdyq deńgeıi 5,2 %-ǵa tó­men­­dedi (2012 jyly – 5,3%), ju­­mys­­pen qamtylǵandar sany 8 526,7 myń adamnan 8 590,7 myń adamǵa ulǵaıdy.   Jumyspen qamtylǵan ha­lyq­tyń quramynda ózin ózi jumyspen qamtyǵandardyń úlesi 31,9%-dan 30,9%-ǵa tómendedi. Májiliste ótken jalpy otyrys­ta «Qazaqstan Respýblıkasynyń keıbir zańnamalyq aktilerine ınvestısııalyq ahýaldy jetildirý máseleleri boıynsha ózgerister men tolyqtyrýlar engizý týraly» zań jobasy maquldandy. Zań jobasy Memleket basshy­sy N.Á. Nazarbaevtyń «Qazaq­stan-2050» Strategııasy – qalyp­tasqan memlekettiń jańa saıası baǵyty» atty Qazaqstan hal­qyna Joldaýyn, sondaı-aq, Mem­leket basshysynyń Qazaqstan Respýblıkasy Úkimetiniń 2014 jylǵy 14 aqpandaǵy keńeıtilgen otyrysynda bergen ınvestorlar úshin negizi ınvestısııalyq kelisimder bolatyn jańa yntalandyrý paketin engizý, ınvestısııalyq kelisimderdi múltiksiz oryndaýdy jáne ınvestısııalyq saladaǵy zańnamanyń turaqtylyǵyn qam­ta­masyz etý jónindegi tapsyrmasyn iske asyrý maqsatynda ázirlengen. Qujat boıynsha Qarjy jáne bıýdjet komıtetiniń múshesi Tatıa­na Iаkovleva baıandama jasa­dy. Onyń qorytyndysynda Máji­listiń barlyq komıteti jobaǵa oń qorytyndylaryn bergeni atap kórsetildi. Otyrysta «Qazaqstan Res­pýblıkasynyń keıbir zań­na­malyq aktilerine ekstremızmge jáne ter­rorızmge qarsy is-qımyl máse­le­leri boıynsha ózgerister men to­lyq­tyrýlar engizý týraly» zań jo­basy birinshi oqylymda maqul­dady. Ekstremızm men terrorızmge qarsy is-qımyl salasyndaǵy qatynastardy retteıtin zańnamany jetildirý zań jobasynyń negizgi maqsaty bolyp tabylady. Zań jobasynda Azamattyq is júrgizý jáne Jer kodeksterine, sondaı-aq, Qazaqstan Respýblıkasynyń birqatar zańdaryna ózgerister men tolyqtyrýlar engiziledi. Zań jobasynyń keı jaqtaryn Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev túsindirip ótti. Palata «Qazaqstan Respýb­lı­ka­synyń Úkimeti men Sıngapýr Respýblıkasynyń Úkimeti ara­syn­daǵy Tabysqa salynatyn salyq­tarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly kelisimge ózgerister men tolyqtyrýlar engizý týraly Qazaqstan Respýblıkasynyń Úkimeti men Sıngapýr Respýb­lıkasynyń Úkimeti arasyndaǵy Hattamany ratıfıkasııalaý týraly» zań jobasyn maquldady. Hattama eki memlekettiń sa­lyq qyzmetteri arasyndaǵy ynty­maqtastyq aıasyn keńeıtýdi yntalandyratynyn Májilistiń Halyqaralyq ister, qorǵanys jáne qaýipsizdik komıtetiniń múshesi Úsengeldi Medeýov atap ótti. Hat­tamanyń maqsaty Qazaqstan Respýb­lıkasynyń Úkimeti men Sıngapýr Respýblıkasynyń Úkimeti arasyndaǵy Tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly qoldanystaǵy kelisimge jáne oǵan 2006 jylǵy 19 qyrkúıektegi Hattamaǵa ózgerister men tolyqtyrýlar engizý bolyp tabylady. Májilis «Esirtki, psıhotroptyq zattar men olardyń prekýrsorlaryn Keden odaǵynyń keden aýmaǵy arqyly ótkizý tártibi týraly kelisimdi ratıfıkasııalaý týraly» zań jobasyn maquldady. Esirtki, psıhotroptyq zattar men olardyń prekýrsorlaryn ákelýge, áketýge ruqsat berý qujattaryn quzyretti organdardyń berý tártibi, sondaı-aq, ruqsat berý qujattarynyń nysandary aýmaǵynda ótkizýdi júzege asyratyn zańdy tulǵa tir­kelgen Tarap zańnamasynda aıqyn­da­latynyn óz baıandamasynda depýtat Qaıyrbek Súleımenov aıtyp ótti. Májilis depýtattary «Qazaq­stan Respýblıkasy men Halyq­aralyq Qaıta qurý jáne Damý banki arasyndaǵy Qaryz týraly kelisimdi (Sot tóreliginiń sektoryn ınstıtýsıonaldyq nyǵaıtý jobasy) ratıfıkasııalaý týraly» zań jobasyn maquldady. Jobanyń maqsaty Qazaqstan Res­pýblıkasynyń quqyqtyq júıe­sin jetildirý, kórsetiletin qyz­metterdiń sapasyn jáne Ádilet mınıstrliginiń jedeldigin arttyrý jáne sýdıalardyń tıimdiligi men kásibıligin arttyrý bolyp tabylatynyn atap ótti óz baıandamasynda depýtat Erkin Shpanov. Jalpy otyrysta «Qylmystyq áreketten túsken tabystardy jy­lystatý, anyqtaý, alyp qoıý já­ne tárkileý týraly konvensııa­ny ratıfıkasııalaý týraly» Qazaq­stan Respýblıkasynyń Zańyna ózge­ris engizý týraly» zań jobasy da maquldandy. Májilis depý­taty Janat Jarasovtyń málim­deýinshe, bul túzetýler bul kúmándi mámileler men tólem­derge baqylaý belgileý úshin qosymsha múmkindikter jasaıdy, qarjy aǵyndarynyń ashyqtyǵyn qamtamasyz etedi, sybaılas jemqorlyqqa jáne ekonomıkalyq qylmystarǵa qarsy kúrestiń tıimdiligin arttyrady, sondaı-aq, kóleńkeli ekonomıka deńgeıin qysqartady. Qylmystyq áreketten túsken tabystardy jylystatý, anyqtaý, alyp qoıý jáne tárkileý týraly konvensııa 1990 jylǵy 8 qarashada Strasbýrgte jasalǵan. Qazaqstan Respýblıkasy osy konvensııaǵa 2011 jylǵy 2 mamyrda qosyldy. Qazaqstan Respýblıkasynyń Konvensııaǵa qosylýy quqyq qorǵaý organdaryna qylmystyq áre­ketten túsken tabystardy anyqtaý, alyp qoıý jáne tárki­leý salasynda qatysýshy memleket­terdiń quzyretti organdarymen yntymaqtastyqty júzege asyrýǵa múmkindik beredi. Májilis «Qazaqstan Res­pýb­lıkasynyń keıbir zańnamalyq aktilerine elektr energetıkasy obektileriniń jumysyn baqy­laý­dy jáne qadaǵalaýdy uıymdastyrý máseleleri boıynsha ózgerister men tolyqtyrýlar engizý týraly» zań jobasyn maquldady. Májilis depýtaty Izbaq О́mir­zaqov zań jobasy Memleket bas­shysynyń qatysýymen ótken jı­nalystyń qorytyndylaryn iske asyrý maqsatynda ázirlen­genin jáne elektr energetıkasy obektileriniń jumysyn mem­le­kettik baqylaý men qadaǵalaýdy jetildirýge, elektr energetıkasy obektileriniń energetıkalyq jabdyǵynyń tehnıkalyq jaı-kúıin jaqsartýǵa, energııa óndi­retin jáne energııa beretin uıym­dardyń kúzgi-qysqy kezeńdegi jumysy, elektr jáne jylý energııasyn tutynýshylardyń keń toby­nyń quqyqtaryn qorǵaý úshin jaýaptylyǵyn arttyrýǵa, energetıka kásiporyndary kórsetetin qyzmetterdiń sapasyn qamtamasyz etýge baǵyttalǵanyn habarlady. Jalpy alǵanda, zań jobasy boı­ynsha jumys tobynyń 18 otyrysy ótkizilipti. Sa­lys­tyrma kestede 110 pozısııa bar. Usynystardyń barlyǵy qabyl­dandy, qabyldanbaǵan usynystar qalǵan joq. Anar Tóleýhanqyzy, «Egemen Qazaqstan».