Halyqaralyq fotograftar, sýretshiler, dızaınerler, street-art sýretshilerdiń nazaryn aımaqtyń ekologııasyna aýdartý, Kaspıı teńiziniń bıologııalyq ekojúıesin saqtaý jáne qalpyna keltirý, bıologııalyq resýrstardy turaqty paıdalanýdy qamtamasyz etý maqsatyndaǵy baıqaýǵa úmitkerler jumystaryn qabyldaý bıyl kúzde bastalǵan bolatyn. Baıqaýǵa ynta bildirýshiler az bolǵan joq, elimizdiń ár túkpirinen 7 men 65 jas aralyǵyndaǵy sýretshiler men fotograftardan, digital-dızaınerlerden úsh atalym boıynsha 150-den astam jumys kelip tústi. Mańǵystaýdyń ekologııalyq máselelerin sıpattaıtyn shyǵarmalardy sarapqa salýda halyqaralyq deńgeıdegi sheteldik mamandarǵa senim júktelip, olar 20 úzdik jumysty tańdap, jeńimpazdarǵa arnaıy marapattardy tabystady.
Mańǵystaý ekologııasy, Kaspıı teńiziniń ahýaly – búgingi kún tártibinde turǵan alańdatarlyq másele. Bul jaǵdaı sýretshilerdi de beıjaı qaldyrmaıdy eken, ony ár alýan eńbekterdegi jan aýyrtarlyq sýretter dáleldeı tústi.
Mańǵystaý oblysy
