О́skemen kondensator zaýyty úshin Reseı naryǵy tıimdi

ASTANA. 5 maýsym. Eýrazııalyq ekonomıkalyq odaq aıasynda elimizdegi iri kásiporyndardyń eńbek ónimdiligi arta túspek. Osy óndiris oryndarynyń qatarynda «О́skemen kondensator zaýyty» aksıonerlik qoǵamy da bar. Bul týraly egemen.kz tilshisi habarlady. Qazir atalǵan kásiporynnyń eń úlken naryǵy Reseı Federasııasy bolyp otyr. Bul zaýyt Reseıdiń birqatar akkredıtasııalyq kýá­likteri men sertıfıkattaryn alǵan. Sondaı-aq, ol 2004 jyly Nıderlandynyń KEMA sertıfıkatyn da ıelengen. «О́skemen kondensator zaýyty» aksıonerlik qoǵamynyń bas dırektory Vladımır Aksenev: «Eýrazııalyq ekonomıkalyq ıntegrasııanyń paıdasy joǵary bolady dep úmittenemiz. Biz óz ónimimizdi Reseıge únemi tasymaldap kelemiz. Sebebi, Keńes Odaǵy kezinde kondensator jáne kondensator qurylǵylaryn óndirýmen aınalysatyn jalǵyz kásiporyn boldyq. Sondyqtan alys jáne jaqyn shetelderge óz ónimderimizdi tasymaldadyq. Bizdiń ónimimiz 25 alys shetelge jiberiletin. Keńes Odaǵy ydyraǵan soń zaýyt ónimderin TMD elderi aýmaǵyna shyǵarý jolǵa qoıyldy. О́ndiris óniminiń jalpy kólemi ótken jyly 1 mıllıard 820 mıllıon teńgeni qurady. Búginde zaýytta 390 adam jumyspen qamtylyp otyr. О́nimdi Reseı, Ýk­raı­na, Belarýs, О́zbekstan jáne Qyr­ǵyzstan elderine tasymaldaımyz. Ásirese, Reseı biz úshin úlken naryq bolyp otyr», – dedi. Joldybaı Bazar. Derekkóz: egemen.kz. Foto:tdnovatek.kz.