Jıynda sóz sóılegen Bas konsýl Álim Baıel Qazaqstanda júzege asyrylyp jatqan reformalar men prezıdenttik saılaýdyń qorytyndylary týraly aqparat berdi. Dıplomat elimizdiń ishki jáne syrtqy saıasatynyń negizgi prınsıpteri men maqsattary týraly aıtyp bergen, sondaı-aq Qazaqstan-Túrkııa yntymaqtastyǵyndaǵy sońǵy jaǵdaıǵa erekshe toqtaldy.
Bıyl ótken Prezıdent Qasym-Jomart Toqaevtyń Túrkııaǵa sapary men Prezıdent Redjep Taııp Erdoǵannyń Qazaqstanǵa sapary, Túrki memleketteri uıymy men AО́SShK sammıtteri sııaqty is-sharalar memleketterimiz arasyndaǵy ekijaqty jáne kópjaqty yqpaldastyqqa úlken serpin berip otyr.
Qatysýshylarǵa, sondaı-aq, Qazaqstandaǵy ınvestısııalyq jáne bıznes múmkindikter týraly aqparat berildi. Sońǵy kezeńdegi rekordtyq dınamıkanyń nátıjesinde Túrkııa Qazaqstannyń basty saýda jáne ınvestısııalyq seriktesteriniń birine aınalyp otyr. Á. Baıeldiń aıtýynsha, Qazaqstan ásirese túrik ınvestorlarynyń elimizdegi óńdeýshi sektorlarǵa qyzyǵýshylyq tanytatynyn joǵary baǵalaıdy. Sonymen qatar elderimiz Kaspıı arqyly ótetin tranzıttik dáliz sııaqty balama baǵdarlardy birlesip damytý arqyly Eýrazııanyń jańa kólik-logıstıkalyq jelisin qalyptastyrýda.
