06 Maýsym, 2014

Memlekettik syılyq memleket mereıin ósirgenderge berilýi tıis

221 ret
kórsetildi
3 mın
oqý úshin
BEK_0076 О́nerdiń, ádebıettiń, mádenıettiń has tarlandary qoǵamnyń maqtanyshyna aınalyp jatady. Mundaı tulǵalarǵa laıyqty baǵa berip, mártebesin kóterip otyrý – memlekettiń mindeti. Mine, osyǵan oraı keshe Almatydaǵy Prezıdent Rezıdensııasynda Memlekettik hatshy Ádilbek Jaqsybekovtiń tóraǵalyǵymen Ádebıet jáne óner salasyndaǵy Qazaqstan Respýblıkasynyń Memlekettik syılyǵyn berý jónindegi komıssııanyń otyrysy ótti. – Otandyq mádenıet jan-jaqty damyp jatqany belgili. Elbasy bul salaǵa árqashan qoldaý kórsetýde. Ádebıet pen óner salasyndaǵy Memlekettik syılyq osyǵan dálel. Bıyl komıssııa qaraýyna kóptegen týyndy tústi. Konkýrsqa qatysýshylar elge tanymal adamdar. Biraq, Memleket­tik syılyq úsh atalymda beriledi. Sondyqtan, komıssııa úzdik eńbekti tańdaýy qajet. Tańdaý barysynda táýel­siz­dikti jáne el damýyn nasıhat­taıtyn eńbekterge nazar aý­darylýy kerek. Bul – bárimiz­ge úlken jaýapkershilik. Oty­rysta shyǵarmalardy jan-jaqty talqylap, ádil baǵasyn bereıik, – degen Memlekettik hatshy komıssııa qaraýyndaǵy eńbekterdi saralaý jaýapty adamdarǵa úlken mindetter júkteıtinin atap ótti. Ol sondaı-aq, Qazaqstan Respýblıkasynyń Mem­lekettik syılyǵyn berý jó­nindegi komıssııanyń qura­myn­da ózgerister bolyp, jańa múshe­lermen tolyqqanyn jetkizdi. Otyrys barysynda komıssııa múshelerine 2014 jylǵy Ádebıet pen óner salasyndaǵy Memlekettik syılyqty alý úshin usynylǵan jumystar, olardyń tirkelýi, qaralýy jáne alǵashqy saraptamadan ótýi týraly aqparat berildi. Budan keıin eńbekterdi talqylaý men jasyryn daýys berý prosesi ádebıet, mýzy­ka, teatr jáne kıno, beıneleý óneri men sáýlet syndy úsh seksııa boıynsha jalǵasty. Tal­qylaýlardyń, jasyryn daýys berý­lerdiń, odan keıingi jalpy oty­rystyń qorytyndysy boıyn­sha baıqaýdyń kelesi kezeńine ji­beriletin shyǵarmalar týraly sheshim qabyldandy. – Memlekettik syılyq ádebıet pen óner salasyndaǵy jańa­shyl eńbekterdiń qataryna jatqy­zylǵan, qoǵam tarapynan moıyn­dalǵan, halyqtyń mádenı-rýhanı murasyna aınalǵan týyndylar úshin berilýi tıis. Memlekettik syılyq týraly sheshim Pre­zıdenttiń Jarlyǵymen bekitiledi. Syılyqty Prezıdenttiń ózi tabystaıtyn bolady. Bul laýreat­tarǵa degen úlken qurmettiń belgisi, – dep atap ótti Ádilbek Jaqsybekov. Qalyptasqan erejege saı irikteýden ótip, kelesi kezeńge joldama alǵan jumystar tizimi qoǵamda keńinen talqylaný úshin «Egemen Qazaqstan» jáne «Ka­zahstanskaıa pravda» gazet­terinde jarııalanatyny málim boldy. Keshe Memlekettik hatshynyń Almatydaǵy issapary Sh.Aımanov atyndaǵy «Qazaqfılm» kınostýdııasynda jalǵasty.Ádilbek Jaqsybekov onda bú­ginde túsi­rilimniń basynan bas­tap ekranǵa shyǵýǵa deıingi aralyq­taǵy kınoóndiristiń tolyq sık­lin jú­zege asyrýǵa múmkindik týǵy­zatyn jańartylǵan sandyq jáne túsirý keshenin, anımasııalyq stý­dııany, basqa da nysandardy aralap kórdi. Sondaı-aq, ulttyq kıno­stýdııadaǵy elimizdiń jetekshi kınogerlerimen kezdesýi aıasynda kıno salasynyń aǵymdaǵy jaı-kúıi, «Qazaqfılmniń» ja­ńa jobalary men otandyq kıne­ma­tografııanyń keleshegi týraly pikir almasty. Aınash ESALI, «Egemen Qazaqstan». ALMATY. Sýretti túsirgen Iýrıı BEKKER.
Sońǵy jańalyqtar

Tútinge tunshyqqan О́skemen

Aımaqtar • Búgin, 08:50

Aıryqsha akvamádenıet

Sharýashylyq • Búgin, 08:45

Azamattyq ustanym

Saıasat • Búgin, 08:43

Ulttyq qordyń balalarǵa sharapaty

Qoǵam • Búgin, 08:40

El órkendeýiniń jańa baǵdary

Saıasat • Búgin, 08:38

Bilim salasyna suranys joǵary

Eńbek • Búgin, 08:35

Jumysshy quqy nege buzylady?

Quqyq • Búgin, 08:30

Tarıhı tańdaý

Pikir • Búgin, 08:28

Jahandyq reıtıngte eleýli oryndamyz

Qazaqstan • Búgin, 08:25

Ata zań jobasy týraly ǵalymdar pikiri

Ata zań • Búgin, 08:22

Neırohırýrgııadaǵy tyń izdenis

Ǵylym • Búgin, 08:20

21 sheteldik baıqaýshy akkredıtteldi

Referendým • Búgin, 08:17

Jarys kúndeligi

Sport • Búgin, 08:15

Balmuzdaq óndirisiniń «baǵy jandy»

О́ndiris • Búgin, 08:12