Alaıaqtarmen kúres maqsatynda aýyspaly abonenttik nómirlerden túsetin qońyraýlardy buǵattaý tetikteri pysyqtalýda. Osy rette azamattardyń alaıaqtarǵa qarsy saýattylyǵyn arttyrý maqsatynda, aqparattyq túsindirý jumystary qolǵa alynǵan.
Sondaı-aq Ishki ister mınıstrligi Memleket basshysynyń sheteldik avtomobılderdi zańdastyrý tapsyrmasyn iske asyrý boıynsha sharalar qabyldaýda. Bul jumys 2 kezeńge bólindi: birinshi – zańnamaǵa tıisti túzetýlerdi engizý; ekinshi – zańdastyrý úshin tikeleı is-sharalar uıymdastyrý.
Sonymen qatar Parlament Salyq kodeksine túzetýlerdi qabyldady. Ol zańdastyrýǵa jatatyn avtokólikterdi bastapqy tirkeý úshin tólenetin alymdy 200 myń teńge kóleminde belgiledi.
Sondaı-aq tólem basqa zań jobasy sheńberinde Ekologııalyq kodekske ýtılızasııalyq tólemdi alyp tastaý bóliginde túzetýler engizedi. Ishki ister mınıstrligi zańdastyrýdy júrgizýdiń tártibin, sharttary men merzimderin belgileıtin Úkimet qaýlysynyń jobasyn ázirleýde.
Mınıstrlik bıylǵy qyrkúıekten bastap buqaralyq aqparat quraldarynda jáne áleýmettik jelilerde, sondaı-aq sheteldik avtokólik ıelerimen tıisti túsindirý jumystaryn júrgizýde.
«Sonymen qatar Ishki ister mınıstrligimen birge Qarjy mınıstrligi kedendik deklarasııalaý máseleleri boıynsha, sondaı-aq Indýstrııa jáne ınfraqurylymdyq damý mınıstrligi kólik quraldaryna tehnıkalyq talaptar boıynsha túsindirý jumystaryn júrgizýi qajet», dedi Ishki ister mınıstri Marat Ahmetjanov.
