Oblystyq Tótenshe jaǵdaılar departamentiniń baspasóz qyzmeti habarlaǵandaı, órt Pavlodar oblysy Tereńkól aýylynda bolǵan.
«О́rt týraly habar 19 jeltoqsan kúni saǵat 23:13-te tústi. Shamamen 64 sharshy metr aýmaqta eki bólmeli qamys úı órtenip, shatyry jartylaı opyrylǵan. О́rt sóndirýshiler kelgenge deıin 2019 jyly týǵan balany kórshisi qutqaryp qaldy», delingen habarlamada.
Zardap shekken bala «birinshi dárejeli qabaǵy men betiniń termııalyq kúıigi» dıagnozymen aýrýhanaǵa jatqyzyldy.
«Ashanadaǵy úıindilerdiń astynan barlaý jáne órt sóndirý barysynda 1958 jyly týǵan er adam men 2016 jyly týǵan ul balanyń kúıgen máıitteri tabyldy», deıdi órt sóndirý qyzmetiniń kezekshi qyzmetkeri Dáýlet Qaıyrbekov.
О́rt 20 jeltoqsan kúni saǵat 01:47-de joıyldy. О́rtti sóndirýge oblystyń Tótenshe jaǵdaılar departamentiniń 21 qyzmetkeri qatysyp, úsh tehnıka jumyldyryldy.
Oqıǵa ornyna polısııa, jedel járdem qyzmetkerleri men jergilikti ákimdik te shyqty. О́rttiń shyǵý sebebi anyqtalyp jatyr.
