Vedomstvo basshysynyń aıtýynsha, qazir elimizdiń qalalaryndaǵy jylý jelileriniń tutastaı uzyndyǵy 12,1 myń shaqyrym, onyń 6,7 myń shaqyrymyn aýystyrý qajet. Iаǵnı, 45 qalada jelilerdiń tozýy 50%-dan tómen, 50-70% aralyǵyndaǵy tozý deńgeıi – 19 qalada tirkelgen. Taǵy 7 qalada onyń kórsetkishi 70%-dan joǵary. Al Rıdder, Shemonaıha jáne Arqalyq qalalaryndaǵy 4 sýbektke baılanysty uzyndyǵy 52 shaqyrym jeliniń normatıvtik paıdalaný merzimi asyp ketken.
Osy rette elimizdegi ınjenerlik-kommýnıkasııalyq ınfraqurylymdy damytý úshin jylý jelilerin kezeń-kezeńmen jańǵyrtý josparlanǵan. Birinshi kezeńde uzyndyǵy 1,6 myń shaqyrym jylý jelisin nemese tozýy deńgeıi 70%-dan joǵary ınfraqurylymdy jańartý (qajetti ınvestısııanyń mólsheri 538 mlrd teńge) kózdelip otyr. Ekinshi kezeńde tozý deńgeıi 50%-dan bastap 70% deıingi aralyqtaǵy jylý jelileri aýystyrylmaq. Sondaı-aq tabıǵı monopolııalar sýbektileriniń ınvestısııalyq baǵdarlamalary sheńberinde tozý deńgeıi 50%-dan tómen jelilerdi aýystyrý usynylyp otyr.
«Qazir jylý jelilerin jańǵyrtý men salýǵa baılanysty qarjylandyrýdyń 3 tetigi qarastyrylǵan. Aıtalyq, bıýdjettik kredıt arqyly, sondaı-aq halyqaralyq qarjy ınstıtýttarymen birlesip sýbsıdııalaý jáne «Mono jáne shaǵyn qalalardy damytý» bıýdjettik baǵdarlamasynyń kómegimen nysanaly transfertterdi aýdarý arqyly», dedi Q.О́skenbaev.
Budan basqa IIDM basshysy jylý kommýnıkasııalyq-ınfraqurylymnyń jaǵdaıyn jaqsartý úshin óńirlik ákimdikterge jylýmen jabdyqtaý jelileriniń tozý deńgeıin eskerip, árbir sýbektke baılanysty sharalar josparyn bekitip, 2023 jyldyń birinshi jartyjyldyǵyna deıin jobalaý-smetalyq qujattamany ázirleýdi aıaqtaý qajettigin jetkizdi.
Sonymen qatar jergilikti atqarýshy organdarǵa nysanaly transfertterge bıýdjettik baǵdarlama ashýǵa keńes berildi. Osy oraıda málimetterdiń qoljetimdiligin qamtamasyz etip, tabıǵı monopolııa sýbektilerine qarasty jelilerdi damytýdy jedel josparlaý úshin ınjenerlik ınfraqurylymnyń derekterin jáne olardyń tehnıkalyq ahýalyna qatysty málimetti qala qurylysy kadastry júıesine engizgen jón.
