6 jeltoqsanda Taraz qalasynyń Polısııa basqarmasyna bopsalaý týraly oblys ortalyǵynyń 26 jastaǵy turǵyny shaǵymdandy. Ol ózinen qorqytý arqyly apta saıyn eki azamattyń áshkereleýshi aqparatty jarııalamaý úshin 300 myń teńge kóleminde aqsha bopsalap alyp turatynyn habarlady.
Jábirlenýshiden barlyǵy 2 mln teńge kóleminde aqsha talap etken. Jambyl oblysy Polısııa departamenti Uıymdasqan qylmysqa qarsy kúres basqarmasynyń qyzmetkerlerimen júrgizilgen jedel-izdestirý jumystarynyń nátıjesinde aryzdanýshydan kezekti ret 200 myń teńge kóleminde qarajatty alý kezinde 28 jáne 29 jastaǵy jergilikti turǵyndar anyqtalyp, ustaldy.
Osy derekke qatysty Qazaqstan Respýblıkasy Qylmystyq kodeksiniń 194-baby 2-bóligimen (Qorqytyp alý) sotqa deıingi tergeý amaldary bastaldy. Zattaı dáleldemeler tárkilendi. Ustalǵandar kinálaryn tolyq moıyndady. 29 jastaǵy kúdikti Taraz qalasynyń ýaqytsha ustaý ızolıatoryna qamaýǵa alyndy. Onyń seriktesine qatysty eshqaıda ketpeý týraly bultartpaý sharasy qoldanyldy.
Kúdiktilerdiń buryn qylmystyq jaýapkershilikke tartylǵany anyqtaldy. Qazir barlyq qajetti tergeý is-sharalary júrip jatyr.
