Is-shara Úndistan men Qazaqstandaǵy aýrýhanalar, Qonaqjaılylyq jáne saqtandyrý ındýstrııalary arasyndaǵy yntymaqtastyqty damytýǵa, eki el arasyndaǵy medısınalyq týrıster aǵynyn arttyrýǵa, qyzmet kórsetý sapasyn jaqsartý maqsatynda atalǵan salalarǵa ınvestısııalar tartýǵa jáne osy salalardaǵy kedergilerdi eńserý úshin sheshim izdeýge baǵyttalǵan.
«Úndistannyń Qazaqstandaǵy elshisi Shýbhdarshını Trıpatı hanym óziniń quttyqtaý sózinde Úndistannyń Densaýlyq saqtaý ındýstrııasy Infraqurylym, tehnologııa, maman dárigerler men medbıkeler turǵysynan álemdegi úzdiktermen básekelesetinin atap ótti. Úndistannyń joǵary mamandandyrylǵan organdardy transplantasııalaý, kardıologııa, onkologııa jáne t. b. salalardaǵy tájirıbesi Úndistandy medısınalyq qundylyǵy bar saıahattyń jańa mekenine aınaldyrdy. Gýmanıtarlyq kómek retinde Úndistan óziniń otandyq vaksınasyn «Maıtrı vaksınasy» bastamasy aıasynda 100-den astam elge taratty», dep atap ótti Shýbhdarshını Trıpatı hanym.
Qazaqstan Tarapynan Qazaqstan Respýblıkasy Densaýlyq saqtaý mınıstrliginiń Medısınalyq kómekti uıymdastyrý departamentiniń dırektory Azamat Dúısenov myrza quttyqtaý sóz sóıledi. Ol medısınalyq týrızmdi odan ári damytý jáne ilgeriletý maqsatynda QR Densaýlyq saqtaý mınıstrligimen ótken jyly medısınalyq týrızmdi damytý jónindegi is-sharalar jospary bekitilgeni týraly habarlady. Onda Qazaqstanǵa medısınalyq týrızm boıynsha uıymdastyrýshylyq jáne aqparattyq-túsindirý jumystaryn júrgizý jáne shet elderde talap etiletin qyzmetterdi (medısınalyq, servıstik) keńeıtýdi qosa alǵanda, densaýlyq saqtaý uıymdarynyń áleýetin arttyrý sııaqty baǵyttar kirdi.
О́z kezeginde Úndistannyń Densaýlyq saqtaý jáne otbasylyq ál-aýqat mınıstirliginiń departament dırektory Lav Agarval Myrza negizgi sózinde Úndistannyń Densaýlyq saqtaý mınıstrligi Medical Value Travel (MVT) bastamasyn iske asyryp jatqaty týrady aıtty. Atalǵan is-shara sheńberinde Úndistanǵa emdelýge ushatyn sheteldik pasıentterge senimdi ekojúıe qurylyp, sonyń ıntegrasııalanǵan jaqyn arada qosylatyn veb-portal jáne «Úndistandaǵy emdeý» dep atalatyn mobıldi qosymsha arqyly qoldaý kórsetiledi dep kútilýde. Onyń sózinshe, aǵylshyn tilin jetik biletin joǵary bilikti jáne tájirıbeli medısınalyq qyzmetkerlermen jabdyqtalǵan Úndistanda 1,3 mıllıon allopatııalyq dáriger, 800 000 dástúrli medısına dárigeri jáne 3,4 mıllıonnan astam medbıke bar. Sóz barysynda ol damyǵan elderdi qosa alǵanda, kóptegen basqa elderde 40 000 AQSh dollardan 60 000 AQSh dollarǵa deıin turatyn kardıologııalyq prosedýranyń quny Úndistanda nebári 3 000 AQSh dollardan 6 000 AQSh dollarǵa deıin turatyny ekenin mysalǵa keltirdi.
Sondaı-aq is-sharanyń birinshi bólimi barysynda AHQO Business Connect Halyqaralyq bıznes jáne yntymaqtastyq bóliminiń basshysy Tımýr Sembınov Úndistan delegasııasyna prezentasııa jasady. Ol qatysýshylardy AHQO qyzmetimen jáne onyń qatysýshylary úshin negizgi preferensııalarymen tanystyrdy.
Birinshi sessııa kezinde Úndistannyń Densaýlyq saqtaý mınıstrligi Medical Value sandyq portalynyń demonstrasııasyn ótkizdi.
Is-sharanyń ekinshi bólimi medısınalyq sektordyń jetekshi kompanııalarynyń basshylary Úndistandaǵy medısınalyq kómektiń artyqshylyqtaryn aıqyndaıtyn taqyryptyq prezentasııalarǵa arnaldy. Apollo Hospitals Group dırektory doktor Anýpam Sıbal Qazaqstanmen yntymaqtastyqtyń múmkindikteri men perspektıvalary jáne medısınalyq týrızmniń yqtımal úlgileri týraly aıtyp berdi.
Ekinshi taqyryptyq prezentasııany Sri Sri Tattva basqarýshy dırektory Arvınd Varchasvı myrza ótkizdi. Ol óz sózin saýyqtyrý týrızmine jáne AIýSh medısına júıesine arnady.
Úndi tarapynan is-sharaǵa Investısııalardy tartý jónindegi ulttyq agenttigi (Invest India), Úndi saýda-ónerkásip palatalarynyń federasııasy, sondaı-aq Apollo hospitals, Artemis Hospitals, Shinon Healthcare, Magnus Medi, SimplifyMVT, Medanta Hospital, Medijourn solutions jáne t.b. sııaqty jetekshi medısınalyq kompanııalar onlaın-formatta qatysty.
