Jedel is-sharalardy Jambyl oblysy Polısııa departamentiniń qyzmetkerleri oblystyq Ulttyq qaýipsizdik komıteti departamentiniń qyzmetkerlerimen birlesip ótkizdi. Sharýa qojalyǵynyń aýmaǵynda tintý júrgizý barysynda saraıdan jalpy salmaǵy 73 keli 120 gramm keptirilgen marıhýana jáne salmaǵy 570 gramm gashısh esirtki zaty bar 8 polıpropılen qaby men polıetılen paketi tabylyp, tárkilendi. Ustalǵandar óz kinásin tolyq moıyndady. Olar Merki aýdanynyń ýaqytsha ustaý ızolıatoryna qamaýǵa alyndy.
Ustalǵan 38 jastaǵy azamat buryn birneshe ret sotty bolǵan.
– Osy derekke qatysty Qazaqstan Respýblıkasy Qylmystyq kodeksiniń 297-baby 3-bóligi (Esirtki quraldaryn asa iri mólsherde ótkizý maqsatynda zańsyz saqtaý) boıynsha sotqa deıingi tergep-tekserý amaldary bastaldy. Bul bapta múlki tárkilenip, on jyldan on bes jylǵa deıingi merzimge bas bostandyǵynan aıyrý túrindegi jaza qarastyrylǵan, – dedi Jambyl oblysy PD Esirtki qylmysyna qarsy is-qımyl basqarmasynyń bastyǵy Álim Bajyqbaev.
