Kýrchatov qalasyndaǵy 3514 áskerı bóliminde qysqa merzimdi sarbazdar sońǵy ret 1997-1999 jyldar aralyǵy qyzmet etken. Keıinnen jaýyngerlik qyzmetti tek ofıserler men kelisimshart boıynsha qyzmetshiler atqaryp kelgen.
23 jyldy artqa tastap áskerı bólim jeke quramy jas shaqyrylymdy saltanatty túrde qarsy aldy. Bolashaq ulandyqtarǵa bólimniń basshylyq quramy tanystyrylyp, olar qyzmet etetin áskerı bólimniń tarıhy týraly aıtyldy.
- Sizderge qadir-qasıet pen ar-namystyń, óz paryzyńyzǵa adaldyqtyń úlgisi bolýǵa tilektespin. Qoǵamdyq tártipti saqtaý qurmetti jáne jaýapty mindet ekenin árqashan este saqtańyzdar, - dedi 3514 áskerı bóliminiń komandıri podpolkovnık Sáken Nurtaev.
Áskerge shaqyrylýshylar negizgi oqý pánderi boıynsha bir aılyq jalpy áskerı daıyndyq kýrsynan ótedi. Sabaqtardy jas tolyqtyrý oqý pýnktterinde taǵaıyndalǵan tájirıbeli ofıserler men starshınalar júrgizedi. Jıyn barysynda olar jalpy áskerı jarǵylardy, memlekettik-quqyqtyq, taktıkalyq, dene shynyqtyrý, radıasııalyq jáne hımııalyq qarýdan qorǵaý negizderin zerdeleýge kirisedi. Saptyq daıyndyq sabaqtary barysynda saptyq tehnıkalar pysyqtalyp, saptyq ánder úırenedi.
– Biz ádettegi azamattyq ómir saltymyzdy áskerı ómirge aýystyrdyq. Bizge áskerı kıim kııý tártibi aıtyldy. Shynymdy aıtsam, ózimdi áskerı formada kórý tanys emes edi, biraq ózimdi jańa mártebede seziný qýanysh syılaıdy. Meniń oıymsha, jyl tez ótedi. Eń bastysy, paıdaly bolady, - dedi ásker qataryna shaqyrylǵan E.Zamanbekov.
Aıta ketý kerek, jas jaýyngerdi daıarlaýdyń bir aılyq kýrsynan keıin áskerge shaqyrylýshylar Áskerı ant qabyldaıdy. Jyl boıy Kýrchatov qalasynda áskerı bólimniń áskerı qalashyǵyn kúzetý men qorǵaý boıynsha ishki qyzmetin atqarady.
