Reıdtik is-sharany Almaty oblysy boıynsha Memlekettik kirister departamentiniń usynysymen, Almaty oblysynyń Ishki ister departamenti jáne Almaty oblysy boıynsha Jeke sot oryndaýshylar palatasy júzege asyryp jatyr.
Shara barysynda kólik quraldary salyǵyn tólemegen jeke tulǵalardyń avtokólikteri aıyp turaǵyna qoıylyp, salyǵyn tóletý jumystary atqarylady.
Búginde Almaty oblysy boıynsha 35 461 jeke tulǵanyń 2,1 mıllıard teńgelik bereshegi bar. Jyl basynan beri jeke sot oryndaýshylaryna 1,3 mıllıard teńgege 42 217 salyqtyq buıryq shyǵaryldy.
Jyl basynan beri 153 690 jeke tulǵadan 2,6 mıllıard teńge salyq óndirildi. Qazir bul baǵytta zańǵa sáıkes májbúrlep óndirip alý jumystary júrgizilip jatyr.
Bıyl oblys boıynsha 150 217 jeke tulǵalardyń 442 165 avtokólikterine 6,5 mıllıard teńge esepteldi. Búgingi tańda oblys boıynsha jergilikti bıýdjetke 6,2 mıllıard teńge tústi.
