Aımaqtar • 27 Jeltoqsan, 2022

Almaty oblysy turǵyndarynyń salyq bereshegi qansha?

310 ret

kórsetildi

1 mın

oqý úshin

Bıyl 23-25 jeltoqsan kúnderi Almaty oblystyq Memlekettik kirister departamentiniń bastamasymen azamattardyń salyq bereshegin tekserý sharasy bastaldy. Is-shara oblystyq Ishki ister departamenti jáne Jeke sot oryndaýshylar palatasymen birlese uıymdastyryldy. Bastama aıasynda «Boryshker» reıdtik is-sharasy Ile jáne Talǵar aýdany mańyndaǵy respýblıkalyq mańyzy bar kúre joldyń boıynda ótkizildi, dep habarlaıdy Egemen.kz.

Abaı AIMAǴAMBET

Almaty oblysy turǵyndarynyń salyq bereshegi qansha?

Shara aıasynda kólik quraldarynyń salyǵyn tólemegen jeke tulǵalardyń avtomobılderi jeke sot oryndaýshysynyń qaýlysymen aıyp turaqtaryna qoıyldy, salyqtaryn tóleýge mindetteldi.

Qazir Almaty oblysy boıynsha 35 461 jeke tulǵanyń 2,1 mlrd teńge salyqqa bereshegi bar. Jyl basynan beri jeke sot oryndaýshylaryna 1,3 mlrd teńgege 42 217 salyq buıryǵy shyǵaryldy.

О́tken jyldarda qaryzy bar jeke tulǵalardy qosa alǵanda jyl basynan beri 153 690 jeke tulǵadan 2,6 mlrd teńge salyq óndirildi. Qazir osy baǵytta zańǵa sáıkes májbúrlep óndirip alý jumystary jalǵasyp jatyr.

Oblys boıynsha 2021 jyl úshin 2022 jyly 150 217 jeke tulǵalardyń 442 165 avtokólikterine 6,5 mlrd teńge esepteldi.

Búgingi tańda oblys boıynsha jergilikti bıýdjetke 6,2 mlrd teńge tústi.