«1 qańtardan bastap tólemder men áleýmettik qyzmetterdiń barlyq túrleri proaktıvti formatta kórsetiledi. Memlekettik organdardyń aqparattyq júıeleriniń derekteri arqyly kórsetiletin birqatar qyzmet ıntegrasııa aıaqtalǵannan keıin kezeń-kezeńimen kóshiriledi», dedi T.Dúısenova Úkimet otyrysynda.
Mınıstrdiń aıtýynsha, memlekettik qoldaý proaktıvti formatta kórsetiledi.
«Iаǵnı azamattarǵa áleýmettik tólemder men áleýmettik kómek aqparattyq júıede bar derekter negizinde taǵaıyndalady. Qazirgi qaǵaz túrindegi qujattar júıeden birtindep alynady», dep tolyqtyrdy mınıstr.
Aıta ketý kerek, memlekettik qoldaý tolyǵymen proaktıvti formatqa aýysady degen normalar jańa Áleýmettik kodekste qamtylǵan. Kodeksti búgin, 27 jeltoqsanda Úkimet bekitti.
Sıfrlyq karta aıasynda áleýmettik qoldaý qajettiligi aqparattyq júıe arqyly anyqtalady. Iаǵnı azamat memlekettik qoldaýdy tıisti organdarǵa júginbeı-aq ala alady. Bul qajettilikti memleket ózi anyqtaıdy jáne barlyq prosedýralardy avtomatty túrde oryndaıdy.
Sonymen qatar qańtar aıynan bastap bala kútimi boıynsha tólemder bir jyldan bir jarym jylǵa deıin uzartylady. Jumysynan aıyrylǵandar úshin tólemder ortasha aılyq tabystan 45 paıyzyna ósedi.
