Depýtat Arman Qojahmetov Konstıtýsııalyq Sottyń jańa sýdıalarynyń kandıdatýralaryn usyna otyryp, Qanat Mýsınniń kóptegen jyldar boıy quqyqtyq qorǵaý, ádilet organdarynda jumys istegenin, Parlament Májilisiniń depýtaty, komıtet tóraǵasy bolǵanyn atap ótti.
«Maǵan Konstıtýsııanyń ústemdigin, azamattarymyzdyń quqyqtaryn qorǵaýdy qamtamasyz etý úshin barlyq kúsh-jigerimdi jumsaý mártebesi berildi, josparlar úlken, energııa kóp, jumys isteıtin bolamyz», dedi Qanat Mýsın.
Ekinshi kandıdat - Erkin Ońǵarbaev.
«Erkin Ánýaruly Ońǵarbaev - belgili ǵalym, zań ǵylymdarynyń doktory, konstıtýsııalyq reforma jónindegi jumys tobynyń múshesi. Qazirgi ýaqytta Eýrazııa ulttyq ýnıversıtetiniń prorektory», dedi Arman Qojahmetov.
Qojahmetov úshinshi úmitker Sergeı Ýdarsev ekenin aıtty. Ol áıgili ǵalym, zań ǵylymdarynyń doktory, konstıtýsııalyq reforma jónindegi jumys tobynyń múshesi, buryn Konstıtýsııalyq Sottyń sýdıasy bolǵan. Qazirgi ýaqytta M.S.Nárikbaev atyndaǵy KAZGIýÝ Ýnıversıtetiniń ǵylymı-zertteý ınstıtýtynyń dırektory.
Talqylaý qorytyndysy boıynsha depýtattar kandıdattardy qoldady.
