Statıstıkaǵa sáıkes sońǵy 4 jylda elimizde 55 myńǵa jýyq jol-kólik oqıǵasy tirkelip, onyń saldarynan 60 myńnan astam adam zardap shekken, taǵy 8 myńnan astam adam qaza tapqan.
Bul rette «Sergek» apparattyq-baǵdarlamalyq júıesi engizilgen sátten bastap, elimizdiń joldarynda ólim-jitimniń 50%-dan asa tómendeýi baıqalyp, qoǵamdyq oryndardaǵy qylmys aıtarlyqtaı azaıǵan.
Sondaı-aq jol qozǵalysy erejelerin saqtamaǵany úshin tólenetin aıyppuldardyń esebinen bıýdjetke 50 mlrd teńgege jýyq qarajat túsken.
Atalǵan zamanaýı júıeniń jumysyndaǵy oń nátıjeni eskere otyryp, QR IIDM kóliktik baqylaý qyzmetterin avtomattandyrý maqsatynda osy tehnologııany paıdalanýdyń múmkindigin qarastyryp otyr.
Qazir vedomstvomen «Astana-Temirtaý» joldarynda qanatqaqty jobany iske asyrý úshin «Kórkem telekom» JShS-men yntymaqtastyq týraly memorandým jasasý boıynsha kelissózder júrgizilip jatyr.
Mınıstrlik ókilderi jobanyń iri kólemdi jáne aýyr salmaqty avtokólikterdiń qatysýymen oryn alatyn quqyq buzýshylyqty, sondaı-aq jolaýshylar men bagajdy turaqty nemese turaqty emes tasymaldaý kezindegi qaýipsizdikti avtomatty túrde anyqtap, kóliktik baqylaýdy júzege asyrý kezinde adamı faktor men sybaılas jemqorlyq táýekelderin boldyrmaý arqyly jol tóseminiń saqtalýyn qamtamasyz etý boıynsha áleýmettik jáne ekonomıkalyq tıimdilikke qol jetkizýge septigin tıgizetinin aıtty.
