«Bala – basty jolaýshy» jobasyn iske qostyq, onda balalardyń jolda qaýipsiz júris-turysyn saqtaý boıynsha profılaktıkalyq sabaqtar men trenıngter ótkiziledi. Sabaqta polıseıler oqýshylarǵa jolda jaraqat almas úshin saq bolý kerek, jol belgileri ne úshin qajet jáne baǵdarsham qandaı qyzmet atqaratynyn aıtyp beredi. О́tkizilgen is-sharalar buqaralyq aqparat quraldarynda jáne áleýmettik jeli paraqshalarynda keńinen jarııalanýda. Munyń balalarǵa belgili bir áseri bar», dedi Qaısar Sultanbaev Ortalyq kommýnıkasııalar qyzmetinde ótken brıfıngte.
Ishki ister mınıstrliginiń málimetinshe, bıyl balalardyń qatysýymen 3090 jol-kólik oqıǵasy tirkelip, onda 232 bala qaza taýyp, 3652-si jaraqat alǵan.
Sońǵy 5 jylda jasóspirimniń qatysýymen bolǵan jazataıym oqıǵalardyń sany 6,8%-ǵa azaıdy.
«Petropavlda tártip saqshylary 400 oqýshyny polısııanyń buıryǵymen túsirilgen «Tuzdar men dámdeýishter» jáne «Eshqaıda aparmaıtyn jol» fılmderin tamashalaýdy uıymdastyrdy. Mektep oqýshylary men stýdentterdiń ishki ister organdarynyń mekemelerine barýy, ýchaskelik ınspektorlar men patrýldik qyzmetkerleriniń qyzmettik kólikterin kórsetý uıymdastyryldy. Balalar úlken áser aldy», dep atap ótti IIM ókili.
