Eń tómengi esep aıyrysý kórsetkishi bıyl 3450 teńgeni quraıdy. AEK mólsheriniń ózgerýine baılanysty Qazaqstanda aıyppul mólsheri shamamen 13%-ǵa ósedi.
Zııandy shyǵaryndylar nemese jáne jaıaý júrginshilerdiń jol qozǵalysy erejelerin buzǵany úshin aıyppul 2 AEK nemese 6900 teńgeni quraıdy.
Turaq aqysyn tólemegeni úshin aıyppul 10 350 teńge, durys qoımaǵany úshin 17 250 teńge, durys emes jerge qoıǵany úshin 34 500 teńgeni quraıdy.
Bul rette jyldamdyqty 10-20 shaqyrymǵa asyrǵany úshin aıyppul 17250 teńgeni, jyldamdyqty saǵatyna 20-40 shaqyrymǵa asyrǵany úshin 34500 teńgeni, belgilengen jyldamdyqty saǵatyna 40 shaqyrymnan asyrǵany úshin 69 000 teńge aıyppul salynady.
Kólik júrgizý quqyǵynan aıyrylǵan adamnyń kólik quralyn basqarǵany úshin aıyppul mólsheri 172 500 teńgeni quraıdy.
Kólikte saqtandyrý bolmaǵan jaǵdaıda 17 250 teńge, al kólikti qujatsyz basqarǵany úshin 69 000 teńge aıyppul salynady.
Qoǵamdyq jerge túkirgeni úshin qazaqstandyqtardy 17 250 teńge aıyppul kútip tur.
