Eńbek jáne halyqty áleýmettik qorǵaý mınıstrliginiń derekterine qaraǵanda, Memleket basshysynyń Joldaýyn iske asyrý sheńberinde jumysynan aıyrylǵan jaǵdaıda tólenetin áleýmettik tólemdi esepteý úshin qoldanylatyn tabysty almastyrý koeffısıenti 40%-dan 45%-ǵa deıin ulǵaıtyldy. 2023 jyly 117 myńǵa jýyq azamatqa jumysynan aıyrylǵan jaǵdaıda tólenetin áleýmettik tólem orta eseppen 13%-ǵa ósip, arttyrylǵan mólsherde taǵaıyndalady dep josparlanyp otyr.
Sondaı-aq bala kútimi boıynsha áleýmettik tólemdi júzege asyrý uzaqtyǵy 1 jastan 1,5 jasqa deıin uzartyldy. Bıyl bul tólem 500 myńnan astam ata-anaǵa taǵaıyndalady.
Budan bólek, eńbekke qabilettiliginen aıyrylǵan 78 myń adamǵa jáne asyraýshysynan aıyrylǵan 55 myń otbasyǵa bazalyq memlekettik járdemaqylarǵa qosymsha taǵaıyndalatyn áleýmettik tólemderdiń mólsheri 8,5%-ǵa artty.
