Jańa páter kiltine ıe bolǵan sańlaqtardyń qatarynda erkin kúresten 57 kılogramm salmaq dárejesinde Brazılııanyń Kashıas-dý-Sýl qalasynda ótken Sýrdlımpıada oıyndarynyń kúmis júldegeri Ǵabıt Esjanov, dál sol dodada 74 kılogramm salmaqta ekinshi oryn ıelengen Ǵasyr Turǵynbaı, sondaı-aq atalǵan alamanda júldegerler qatarynan kóringen Anna Kramorova, Asan Nurjan, Ferıde Kara Ogly, Oljas Rysjanov, Evelına Egemberdıeva, Aıdos Túgelbaev bar.
«Táni saýdyń – jany saý» demekshi, Memleket basshysy buqaralyq sportty damytýǵa qatysty naqty mindetter júktep otyrǵany beker emes. Bizde buǵan barlyq múmkindik bar.
Oblystyń barlyq qalalary men aýdan ortalyqtarynda, sondaı-aq aýyldarda zamanaýı sport zaldary men arnaıy alańdar sany artyp keledi. 2024 jyly Fransııa astanasy Parıj qalasynda ótetin jazǵy Olımpııa oıyndarynan jambyldyq sportshylardyń biri altyn júlde alýǵa tıis. Jergilikti atqarýshy bılik sportshylarymyzdyń zor tabystarǵa jetýi úshin qoldan kelgen kómekti aıamaıdy», deıdi óńir basshysy Nurjan Nurjigitov.
TARAZ
