Energyprom derekterine qaraǵanda Qazaqstandaǵy jumyssyzdyq deńgeıi bir jyl ishinde aıtarlyqtaı ózgergen joq. 2022 jyldyń úshinshi toqsanynda 4,9%-dy qurady, bul rette 2020 jyldyń tıisti kezeńinde kórsetkish 5%-ǵa jetti. Al 2019 jyldyń úshinshi toqsanynda ol 4,8%-dy qurady.
О́ńirlik bóliniste 2022 jyldyń úshinshi toqsanynda jumyssyzdyqtyń eń joǵary deńgeıi, dálirek aıtqanda 5,3%-y Túrkistan jáne Mańǵystaý oblystarynda baıqaldy. Sondaı-aq Qyzylorda jáne Batys Qazaqstan oblystarynda jumyssyzdyq deńgeıi 5%-dan asty.
О́ńirler arasynda jumyssyzdyqtyń eń tómen deńgeıi Ulytaý oblysynda baıqaldy: 4,1 %. Odan keıin Qaraǵandy oblysy (4,3 %) jáne Astana (4,5%).
Aıta keterligi, ótken jyly qalalardaǵy jumyssyzdyq deńgeıi aýyldarǵa qaraǵanda joǵary boldy: 4,9% (qalalar), 4,8% (aýyldar). Degenmen, ótken jylmen salystyrǵanda bıyl qalalarda jumyssyzdyq deńgeıi tómendedi, al aýyldarda kerisinshe ósti.
Qalalyq jerde jumyssyz halyq sany bir jyl ishinde 0,7%-ǵa, 271,2 myń adamǵa deıin qysqardy, al aýylda 0,8%-ǵa, 179,1 myń adamǵa deıin ósken.
Genderlik turǵydan alǵanda, áıelderdiń jumyssyzdyq deńgeıi (5,7%) erler deńgeıinen (4,1%) edáýir joǵary, bul 2012 jyldan bergi eń úlken aıyrmashylyq. Bir jyl buryn áıelderdiń jumyssyzdyq deńgeıi 5,5%-dy, al erler deńgeıi 4,3%-dy quraǵan.
Qazaqstanda jumyssyz áıelder sany bir jylda birden 4,3%-ǵa ósip, 2022 jyldyń úshinshi toqsanynda 257,4 myń adamǵa jetti, al jumyssyz erler sany 5,5%-ǵa, 192,9 myń adamǵa deıin qysqardy.
