Jyldamdyqty arttyrý
Máselen, bıyl avtokólik qozǵalysynyń jyldamdyǵyn 10-20 kılometrge arttyrǵany úshin aıyppul 5 AEK - 17 250 teńgeni quraıdy. 2022 jyly ol 15 315 teńgeni quraǵan.
Jyldamdyqty 20-40 kılometrge arttyrǵany úshin 10 AEK - 34 500 teńge mólsherinde aıyppul qarastyrylǵan. 2022 jyly 30 630 teńge bolǵan.
Jyldamdyqty saǵatyna 40 kılometrden asyrǵany úshin 20 AEK - 69 myń teńge aıyppul salynady. 2022 jyly 61 260 teńge boldy.
Ákimshilik jaza qoldanylǵannan keıin bir jyl ishinde jyldamdyqty qaıta asyrǵany úshin 30 AEK - 103 500 teńge aıyppul qarastyrylǵan. Byltyr bul aıyppul mólsheri 91 890 teńgeni quraǵan edi.
Júrgizýshi kýáliginsiz kólik basqarý
Júrgizýshi kýáliginsiz avtokólikti basqarǵany úshin 20 AEK - 69 myń teńge aıyppul salynady.
Eger júrgizýshi kýáliginen aıyrylǵan júrgizýshi kólik tizgindese, onda oǵan 50 AEK - 172 500 teńge aıyppul salynady nemese 20 táýlikke qamaýǵa alynady.
Elimizde eń kóp taralǵan buzýshylyq túri - jol belgilerin elemeý. Jol belgileriniń talaptaryn saqtamaǵan júrgizýshi 3 AEK - 10 350 teńge kóleminde aıyppul tóleıdi.
Baǵdarshamnyń qyzyl túsine nemese retteýshiniń tyıym salý qımylyna júrgen júrgizýshige 10 AEK - 34 500 teńge aıyppul salynady. Quqyq buzýshylyq qaıtalanǵan jaǵdaıda júrgizýshi 15 AEK - 51 750 teńge tóleıdi.
Jaıaý júrginshilerdiń joldaryna shyǵyp ketý, jol jıekterimen nemese trotýarlarmen júrý úshin aıyppul 45 945 teńgeden 51 750 teńgege (15 AEK) deıin ulǵaıdy.
Turaq erejeleri
Turaq erejelerin buzǵany úshin aıyppul 5 AEK - 17 250 teńge bolyp belgilendi.
Trotýarda, gúlzarlarda, balalar jáne sport alańdarynda turaqtaǵan kólik ıeleri 10 AEK - 34 500 teńge kóleminde aıyppul tóleıdi.
Aqyly turaqtyń qunyn tóleýden jaltarǵan júrgizýshige 3 AEK - 10 350 teńge aıyppul salynady.
Aıta ketsek, jolaýshylar men júkterdi tasymaldaý erejelerin buzǵan, qaýipsizdik belbeýin bekitpegen jáne kólik tizgininde uıaly telefon paıdalanǵan júrgizýshilerge 5 AEK - 17 250 teńge aıyppul salý kózdelgen.
Polısııa qyzmetkeriniń talaptaryn oryndamaý
Qyzmetkerdiń kólikti toqtatý týraly talabyn oryndamaǵany úshin 40 AEK - 138 myń teńge aıyppul salynady. Bir jyl ishinde buzýshylyq taǵy qaıtalansa, júrgizýshi 5 táýlikke deıingi merzimge qamaýǵa alynyp, kólik júrgizý quqyǵynan aıyrylady.
Jaıaý júrginshiler
Jol qozǵalysy erejeleriniń talaptaryn saqtamaǵan jaıaý júrginshiler de jaýapkershilikke tartylady. Mundaı quqyq buzýshylarǵa 2 AEK - 6 900 teńge kóleminde aıyppul salynady.
Bir jyl ishinde buzýshylyq qaıtalanǵan jaǵdaıda aıyppul 10 AEK - 34 500 teńge deıin ósedi.
Qoǵam
Sondaı-aq qoǵamdyq jerlerde túkirgen, belgilenbegen jerlerge qoqys shyǵarǵan azamattarǵa da salynatyn aıyppul mólsheri ósti. Mundaı buzýshylyq úshin 5 AEK - 17 250 teńge aıyppul tóleýge týra keledi.
