Eńbek ujymdaryndaǵy kezdesýler

Kezdesýlerde konstı­tý­sııa­lyq reformanyń negizgi maq­saty men Parlament qabyldaǵan zańdardyń jekelegen erejeleri talqylandy. Kezdesýge qaty­sýshylar Memleket basshy­synyń bastamalaryna qoldaý bil­dirip, qoıylǵan mindetterdi iske asyrýǵa daıyn ekendikterin jetkizdi.

Saılaýshylar áleýmettik qamsyzdandyrý, bilim berý jáne medısınalyq qamtamasyz etý máselelerine basa nazar aýdardy. Kezdesý barysynda turǵyn úı-kommýnaldyq saladaǵy zańnamalyq ózgerister, otandyq óndirýshilerdi qoldaý jaǵdaıy da áńgime arqaýyna aınaldy. Bıýdjet qarjysyn tıimdi jáne maqsatty jumsaý, kómir qazandyqtaryn tabıǵı gazdy paıdalanýǵa kóshirý, eldi mekenderdiń ınfraqurylymyn damytý máseleleri kóterildi.

О́z sheshimin talap etetin máselelerdiń qatarynda jas­­tar­ǵa arnalǵan jumys oryn­dary­­nyń bolmaı otyrǵany jáne aýyl­dyq jerlerde tıisti ınfra­qu­­rylymnyń joqtyǵy, birin­shi kezekte tutynatyn ónim­der ba­ǵasynyń ósýi, orta medı­sına qyzmetkerleriniń jala­qy­sy men ústeme aqylardy arttyrý qajettigi, sondaı-aq ınje­ner­lik konstrýksııalar men qur­ylys materıaldary sapa­sy­nyń tómendigi de aıtyldy.

Senatorlar Astana jáne Qaraǵandy qalalaryndaǵy birqatar qorǵanys-ónerkásip nysandarynda (oq-dári zaýyty) bolyp, Qorǵanys jáne TJ qyzmeti mınıstrlikteri áskerı bólimderiniń basshylyǵymen jáne jeke quramymen kezdesti.

Senator S.Ershov Qara­ǵan­dydaǵy «Steel Manufacturing JShS» patron zaýytynda bolǵan kezde óndiristiń jumys bary­symen, bıyl alǵa qoıǵan mindettermen jáne belgilengen josparlary­men, ózge de sheshimi tabylǵan máselelermen tanysty. Ol sondaı-aq Qorǵanys mınıstr­liginiń 50185 áskerı bóliminde bolyp, áskerı qyzmetshilermen kezdesti jáne qoıylǵan suraq­taryna jaýap berdi. Áskerı qyzmetshiler kezdesý kezinde dalalyq issaparlar úshin aqshalaı tólemderge, áskerı qyz­metshilerdiń turǵyn úı ótema­qylaryna, áskerı qyzmetti ótkerý jaǵdaıyna baıla­nysty suraqtar qoıdy. Senator kóterilgen barlyq máseleler zań shyǵarý qyzmeti barysynda tıisti memlekettik organdar ókilderimen birge qaralyp, eskeriletinin atap ótti.

Senator D.Nurjigitova Al­maty qalasynda Naýryzbaı aýda­nynyń Ardagerler keńe­siniń múshelerimen, «Al­maty-tazalyq» mekemesi men onko­logııa ınstıtýtynyń qyzmet­kerlerimen kezdesýler ótkizdi. Onda Memleket basshysynyń bastamasy boıynsha qolǵa alynǵan reformalar aıasynda Parlament qabyldanǵan zańdar, sondaı-aq áleýmettik qamsyzdandyrý jáne áıelderdiń densaýlyǵyn qorǵaý máseleleri talqylandy.

Depýtat Ǵ.Sarybaev Tal­dy­qorǵan qalasyndaǵy tabıǵı gazǵa qosylǵan №4 qazandyǵy men kómir jaǵylatyn №9 qazan­dyqtyń ǵımaratynda boldy. Jergilikti mamandar kómir qazan­dyqtarynyń tabıǵı gazdy paıdalanýǵa kóshýiniń mańyz­dylyǵyn atap ótti. Bul ekologııalyq máselelerdi sheship qana qoımaı, aımaqtyń áleýmettik-ekonomıkalyq damýyn jaqsartýǵa múmkindik beretin bolady.