El damýyndaǵy áıeldiń róli

Forýmǵa qatysýshylar osy máselelerdi sheshýdiń ortaq tási­lin ázirleý úshin zamanaýı qo­ǵamdaǵy áıeldiń rólin talqylady. Dıalogke memleket jáne qoǵam qaıratkerleri, kásipkerler, kóp­balaly analar, bıýdjet sala­synyń qyzmetkerleri, bilim berý salasynyń ókilderi jáne taǵy basqalar qatysty.

Aqtóbe oblysynda is-shara­ǵa qatysýshylar áıelderdiń ár­túrli saladaǵy belsendiligin art­tyrýdyń mańyzdylyǵyn atap ótti. «Buryn qazaq qoǵamynda áıel úı sharýashylyǵyn júrgizip, bala tárbıesimen aınalysýy kerek dep eseptelse, búginde qyz-ke­linshekter jan-jaqty damyp, bız­nespen aınalysa alady. Saıası reformalarǵa qatysady. Osy forým – sonyń jarqyn dáleli», dedi Aqtóbe oblystyq máslı­hatyndaǵy «Amanat» depýtaty Juldyz Qojabekova.

Aqtóbe oblystyq Isker áıel­der keńesiniń tóraǵasy Kúlpar­shyn Aıdarhanova búginde elimiz­degi kásiporyndardyń 42,3 paıyzyn áıelder basqaratynyn atap ótti.

«Áıelder qaýymy el ekono­mı­kasynyń, kásipkerliktiń damýyna zor úles qosyp keledi. Jýyrda osy óńirde «Bir aýyl – bir ónim» baǵdarlamasyn iske qosý jos­parlanyp otyr. Mun­daǵy maqsat – aýyl kásipker­lerin bir koope­rasııaǵa biriktirý. Olar óz bızne­sin damytý úshin «Aýyl amanaty» jobasy arqyly jyldyq mól­sherlemesi 2,5 paıyzdy quraıtyn jeńildetilgen nesıe ala alady. Qazirdiń ózinde irimshik, kıizden jasalǵan buıym­dar óndirisi jol­ǵa qoıylyp jatyr», dedi ol.

Qyzylordada ótken forýmda Májilis depýtaty, «Amanat» fraksııasynyń múshesi Maqpal Táj­maǵambetova áıelder barlyq salada tabysty jumys istep jatqanyn jetkizdi. Sondaı-aq ol otbasyn nyǵaıtý, ál-aýqatyn arttyrý boıynsha memleket tarapynan qabyldanyp jatqan sharalar týraly aıtyp ótti.

Shıeli aýdanynyń kásipkeri Lázzat Pármenqulova aýyldyq jerde aýyl sharýashylyǵyn damytý boıynsha óz tájirıbesimen bólisti. «Búginde memleket tarapynan áıelderdiń aýyldyq jerlerde óz bıznesin damytýyna kómektesetin birqatar baǵdarlama júzege asyrylýda. О́z aýylymyzdaǵy jaǵdaıǵa yqpal etip, oń ózgeris jasaı alatynymyzdy, eń bastysy jalǵyz emes ekenimizdi sezinemiz», dedi ol.

О́skemende uıymdastyrylǵan forýmda Májilis depýtaty Dınara Zákıeva áıelder qaýy­myna áleýmettik máseleler erekshe jaqyn ekenin atap ótti. «Elimizde 9,8 mln áıel bar. Qoǵam­daǵy ózekti máselelerge qatysty olardyń árqaısysynyń ózindik oı-pikiri bary anyq. Balanyń jaǵdaıyn qalaı jaqsartýǵa bolatynyn anadan artyq eshkim bilmeıdi. Otbasy máselesine de áıelder kózqarasy erekshe», dedi halyq qalaýlysy.

Kásipker Dıana Fıllıpo­va­nyń aıtýynsha, qala men aýyldyń qyz-kelinshekteri jumys isteýge daıyn. Tek, olarǵa óz isin bastaýǵa kómektesý kerek.

«Belaıa sova» dep atalatyn birlestigimiz qolónermen aına­ly­satyn ondaǵan qyz-kelinshek­tiń qarym-qabiletin tanytýyna kó­mektesti. Olar aǵashtan, byl­ǵarydan jáne shynydan jasal­ǵan buıymdardy boıaýmen aınalysady. Sondaı-aq tabıǵı tastardan zergerlik buıymdar ázirleıdi. Oıynshyq toqýmen, sándik buıym­dar jasaýmen jáne taǵy basqa istermen shuǵyldanady. Qyzyǵý­shylyqtan bastalǵan is keıin tabys kózine, bızneske aınalýy múmkin. Sondyqtan áıelderdiń kásippen aınalysýyna barynsha kómektesemiz», dedi ol.

Oral qalasynda ótken forýmda áıelderdiń áleýmettik-demografııalyq progresti qamta­masyz etýdegi róline, sondaı-aq áıelder arasyndaǵy qarjylyq saýattylyq máselelerin sheshýge erekshe nazar aýdaryldy.

«Jeke balabaqsha men dúken ashý, qonaqúı servısin damytý isinde áıelder qaýymy ózderin tabysty kásipker retinde tany­typ keledi. Sondyqtan bul iste áıel­derdiń róli erekshe dep aıtýǵa tolyq negiz bar. Buǵan qosa, bala tárbıesi de ádette osy áıel­der qaýymyna júkteledi. «Otan otbasynan bastalady». Son­dyqtan otbasylyq qundylyq­tardy nasıhattaý – asa mańyzdy másele», – dep atap ótti partııanyń Tasqala aýdandyq fılıaly­nyń atqarýshy hatshysy Lıýsııa Jubanyshqalıeva.