Abaı blystyq PD prosessıngtik ortalyǵynyń bastyǵy Ermuqan Maqpunov búgingi brıfınginde zańdastyrý erejeleri 2023 jyldyń 1 shildesine deıin júrgiziletinin aıtty.
- Kórsetilgen erejelerde avtokólikterdi zańdastyrýdyń naqty krıterııleri belgilengen. Birinshisi – avtokólik elge 2022 jylǵy 1 qyrkúıekke deıin ákelinýi tıis, ekinshisi - izdeýde bolmaýy, úshinshisi - basqa memlekette esepten shyǵarylýy, tórtinshisi - kedendik tazartýdan ótýi kerek. Erejeler 2023 jyldyń 1 shildesine deıin qoldanylady. Erejeler salmaǵy 5 tonnaǵa deıingi avtokólikterge, 3,5 tonnaǵa deıingi shaǵyn júk avtokólikterine, onyń ishinde basqarý organdary oń jaqta ornalasqan avtokólikterge qatysty, - dep atap ótti E. Maqpunov.
Zańdastyrýǵa ótinishti «Elektrondyq úkimet» portaly arqyly nemese mamandandyrylǵan HQKO-ǵa jeke júginý arqyly berýge bolady. Onda tek kólik quraldaryn zańdastyrýǵa qujattar qabyldaıtyn sektorlar jumys isteıdi. Sonymen qatar, onda zańdastyrý erejelerin túsindiretin ákimshilik polısııa qyzmetkeri bolady. О́zińizben birge - ótinish, jeke kýálik, avtokólik pasporty nemese tirkeý týraly kýálik, sondaı-aq menshik quqyǵyn rastaıtyn qujat bolýy qajet.
Zańdastyrý týraly sheshim eki kún ishinde qabyldanady.
- Eki kún ishinde polısııa avtokóliktiń zań talaptaryna sáıkestigin tekseredi. Eger bazada avtokólikti ákelý týraly málimetter bolmasa, kúni saqtandyrý polısin eń birinshi rásimdeý kúni boıynsha aıqyndalatyn bolady. Sondaı-aq, avtokólik Interpol, EAEO jáne taǵy basqa bazalary boıynsha tekseriledi. Eger avtokólik tekserýden ótse, ótinish berýshiniń telefonyna oń nátıje týraly habarlama keledi, - dep atap ótti E. Maqpunov.
Zańdastyrý kezindegi negizgi tólem – 200 myń teńgeni quraıtyn bastapqy tirkeý alymy. Sonymen qatar memlekettik nómirge 9660 teńge jáne tehpasport úshin 4313 myń teńge tólenedi. Osydan keıin ótinish ıesi tirkeý qujattaryn jáne QR memlekettik nómirin alady. Aıta ketý kerek, sheteldik esepke alynǵan avtokólikterdi zańdastyrý – bul bir rettik aksııa.
