Shekti baǵa bólshek saýdada ár óńir úshin jeke belgilendi. Mańǵystaý oblysynda suıytylǵan gaz lıtrine – 50 teńge, shalǵaı aýdandarda budan 5 teńgege qymbat.
– О́tken jyldyń qańtaryndaǵy oqıǵalardyń basty sebepteriniń biri – suıytylǵan gaz qunynyń kúrt ósýi bolǵany bárimizge málim. Qıyn shaqta О́ńirlik kásipkerler palatasy birneshe ret bılik pen kásipkerlerdi bir ústel basyna jınap, dıalogqa shaqyrdy. Oblys turǵyndary gaz baǵasyn lıtrine 120 teńgeden 50 teńgege deıin tómendetýdi surady jáne talap qanaǵattandyryldy, – deıdi Mańǵystaý oblysynyń kásipkerler palatasy dırektorynyń orynbasary Amanat Mahmutov.
Baǵanyń kúrt ósýi suıytylǵan munaı gazyn elektrondyq saýda alańdarynda satýǵa baılanysty bolǵandyqtan, bólshek saýda jasaýshylar úshin gazdy satyp alý qıynǵa soqty. Saldarynan tutynýshylarǵa ýaqtyly jetpeı, tapshylyq týyndady.
Mańǵystaý oblysynyń kásipkerler palatasy óńirdegi Ekonomıkalyq tergeý departamentimen birlesip kásipkerlik sýbektilerin qorǵaý maqsatynda baǵa ósiminiń máselesin sheshý jáne kógildir otyn tapshylyǵyn joıýǵa belsendi atsalysty. Departament qyzmetkerleri saýda-sattyqty uıymdastyrýshylar jáne olardyń josyqsyz qatysýshylarynyń jumys júıesin tekserdi. Qylmystyq is qozǵap, tergeý nátıjeleri boıynsha kináli tulǵalar jaýapqa tartyldy.
– Qazir suıytylǵan munaı gazyn bólshek saýdada ótkizýmen aınalysatyn kásipkerlik sýbektileri ony óndirýshiden deldalsyz satyp alady ári Úkimet retteıtin baǵalar boıynsha túpkilikti tutynýshylarǵa ótkizedi. Búginde aımaqta suıytylǵan munaı gazyn qamtamasyz etý jaǵdaıy turaqty, – dedi Amanat Mahmutov.
Mańǵystaý oblysy
