Áskerge shaqyrýdyń mindeti

Jıynǵa Bas áskerı pro­ký­r­atýranyń, Qarýly kúshterdiń, basqa da áskerler men áskerı qura­lym­dardyń, jergilikti atqarýshy organdardyń ókilderi, sondaı-aq oblystar men respýblıkalyq mańy­zy bar qalalardyń qorǵanys isteri jónindegi departamentteriniń bas­tyqtary qatysty.

Qarýly kúshter Bas shtabynyń bastyǵy, general-leıtenant Marat Qusaıynov jalpy áskerge shaqyrý mindetteri oryndalǵanyn jáne sha­qyrý naýqany uıymdasqan túrde ótkenin alǵa tartty. 2022 jy­ly 35 myńǵa jýyq jas Qarýly kúsh­ter, Memlekettik kúzet qyzmeti, She­ka­ra qyzmeti, Ulttyq ulan, Tóten­she jaǵdaılar mınıstrligi bólim­she­leriniń qataryn tolyqtyrdy. Qazir olar áskerı istiń qyr-syryn úı­renip, Otan aldynda boryshyn laıyqty atqaryp júr.

– Jyl saıyn Otan aldynda ózderiniń konstıtýsııalyq min­detterin oryndaıtyn myńdaǵan óren­der áskerge shaqyrý komıs­sııalary­nan ótedi. Al áskerı esepke alý úderisterin sıfrlandyrý, Qor­ǵanys mınıstrliginiń eGov.kz plat­formasy arqyly qyz­met­ter kór­setýi shaqyrý naýqany bary­synda artyq bıýrokratııany, qaǵaz­bastylyqty qysqartýǵa jáne sybaılas jemqorlyq táýekelderin azaıtýǵa múmkindik berdi, – dedi general-leıtenant Marat Qusaıynov.

О́tken jyly Qarýly kúshterdiń qoǵamdyq uıymdarmen, onyń ishin­de jınaý pýnktteri men áskerı bó­lim­derge barý múmkindigi bar ókil­dermen, sarbazdar analarynyń komı­te­timen ózara is-qımyl jolǵa qoıyl­ǵany atap ótildi. Bul sarbaz­dardyń týystary men jaqyn­daryna, olardyń áskerge shaqy­ry­lýynan bastap, áskerı ujym­darda ereje men tártiptiń bar eken­digine jeke kóz jetkizýge, sondaı-aq Qa­zaq­stan áskeriniń ahýaly jaıly teris boljamdar men destrýktıvti qaýe­set­terdiń aldyn alýǵa múmkindik berdi.

Sondaı-aq jıynda áskerge sha­qyrýdy uıymdastyrýdyń ózekti má­seleleri talqylandy. Jetildirýdi já­ne birlesken júıeli jumysty qa­­jet etetin aspektilerge erekshe na­zar aýdarylmaq. Atap aıtqanda, bul ás­kerge shaqyrylýshylardyń den­­saý­lyǵyn olardy sporttyq jáne ás­kerı-patrıottyq qyzmetke tartý ar­qyly mektep kezinen bastap nyǵaıtý.

Budan bólek keńes barysynda Qorǵanys mınıstrligi Prezı­dent tapsyrmasyna sáıkes jas­tar ara­synda áskerı boryshyn óteý­ge yn­tasyn arttyrý sharalaryn qabyl­daǵanyn atap ótti. Osy­laısha, Qorǵanys mınıstri 40-tan astam joǵary oqý ornynyń rektor­larymen kelisim jasasty. Olar 2023 jyldan bastap merzimdi áskerı qyz­met ótkergenderge UBT nátıje­lerin esepke almaı, oqýǵa túsý qu­qyǵyn berýge, al qyzmet barysynda erekshe kózge túskenderge oqý orny esebinen granttar berýge daıyn.