Memlekettik akademııalyq fılarmonııada 19 qańtar kúni keshki saǵat 19:00-de Qazaqstannyń eńbek Gero, KSRO jáne Qazaqstan Halyq ártisi, Memlekettik syılyqtyń laýreaty, professor Erkeǵalı Rahmadıevtiń vokaldyq shyǵarmashylyǵyna arnalǵan «Tań samaly» konserti ótedi.
Osy apta boıy tańǵy 9:00-den 18:00-ge deıin «Jastar» saraıynda «О́ner fontany» ıntýıtıvti keskindeme boıynsha sýretter kórmesi men sheberlik synyptary ótedi.
21 qańtar kúni keshki saǵat 20:00-de saraı sahnasynda Gleb Samoılov «Agata Krıstı» tobynyń 35 jyldyǵyna arnalǵan baǵdarlamamen óner kórsetedi.
17 qańtar kúni tústen keıin «ALJIR» murajaı-memorıaldyq kesheni «Lagerde atylǵan áıelder...» atty dárisin ótkizedi. Munda 19 qańtar kúni «Urpaqtar jadynda» kórmesi ashylady.
«Atameken» Qazaqstan Kartasy» etno-memorıaldyq kesheninde 18 qańtar kúni saǵat 11:00-de Ahmet Baıtursynovtyń týǵanyna 150 jyl tolýyna oraı dóńgelek ústel uıymdastyrylady.
Al 20 qańtarǵa deıin Sáken Seıfýllın murajaıynda «Sáken jáne Gúlbahram» fotosýretter kórmesin tamashalaýǵa bolady. 17 qańtarda TMD halyq shyǵarmashylyǵy jáne mádenı mura jylyna arnalǵan dáris, 18 qańtarda Kúlásh Ahmetovanyń «Sákeniń qarashańyry» maqalasy negizinde dáris, 19 qańtarda «Ult maqtanyshy» derekti fılmi kórsetiledi. Sonymen qatar 20-24 qańtar aralyǵynda murajaıdyń ashylǵanyna 35 jyl tolýyna oraı «Latyn jáne tóbe qarpimen jazylǵan Sáken shyǵarmalary» kórmesi uıymdastyrylady.
Oqýshylar arasynda Ahmet Baıtursynovtyń 150 jyldyǵyna, sondaı-aq kámeletke tolmaǵandar arasyndaǵy quqyq buzýshylyqtardyń aldyn alý boıynsha synyp saǵattaryn 17 jáne 19 qańtarda tarıhı-mádenı mura eskertkishteri men obektileriniń saqtalýyn qamtamasyz etý ortalyǵy ótkizedi.
M. Gorkıı atyndaǵy Memlekettik akademııalyq orys drama teatrynda osy aptada tórt qoıylym kórsetedi. 17 qańtarda saǵat 19:00-de M.Makdonahtyń detektıvi «Jastyq adam», keshke R. Baerdiń «Aralas sezimder» melodramasyn kórýge bolady. 21 qańtar kúni saǵat 11:00-de búldirshinderge M.Sýponınniń «Eshki-Dereza» ertegisi usynylady, al keshke jurtshylyqty V.Shýkshınniń «Svetlye dýmy» áńgimeleri boıynsha sahnalyq qoıylym kútedi.
20-22 qańtar aralyǵynda elordalyq qýyrshaq teatry M.Arǵymbaevanyń «Elvın jáne sıqyrly orman turǵyndary» qoıylymyn tamashalaýǵa bolady.
21 qańtar kúni saǵat 19:00-de «Jastar» teatrynda D.Fo, A. Rahat, L. Egemberdıevanyń «Muń» premeralyq dramasy kórsetiledi. Keshkisin sahnada N.Jaqypbaıdyń «Janarymdaǵy jalǵyzym áýen» atty teatrlandyrylǵan konserttik baǵdarlamasy ótedi.
Nomad City Hall zalynda 18 qańtarda astanalyqtarǵa «Alash joly» spektakli, al 20 qańtarda «Rıchard III» qoıylymy usynylady.
Mýzykalyq jas kórermen teatry 19 qańtarda «Shanel №5» derekti dramasyna shaqyrady, keshke «Shámshi» mıýzıkli kórsetiledi. 22 qańtarda kórermenderdi «Mahabbat bar ma?» komedııasy kútedi.
Osy aptada qalalyq kitaphanalarda oqyrmandar men oqýshylar úshin balalardyń oı-órisin keńeıtýge, olardyń kórnekti qaıratkerlerdiń óneri men shyǵarmashylyǵymen tanysýǵa baǵyttalǵan ózekti taqyryptar boıynsha tanymdyq saǵattar ótkiziledi.
18 qańtar kúni saǵat 13:00-de №5 buqaralyq kitaphanada «Olımpıadalyq rezervter» sporttyq estafetasy, 15:00-de «Qazaqtyń halyq kompozıtorlary-Qurmanǵazy» tanymdyq saǵaty ótedi. 19 qańtar kúni saǵat 15:00-de №2 balalar kitaphanasynda oqyrmandarǵa arnap aqparat saǵaty ótedi. Sonymen qatar №5 kitaphana Qurmanǵazy Saǵyrbaıulynyń týǵanyna 200 jyl tolýyna oraı «Kúı atasy atanǵan Qurmanǵazy» mýzykalyq saǵatyn ótkizedi. 20 qańtar kúni saǵat 14:00-de №12 kitaphanada Abylaı hannyń týǵanyna 312 jyl tolýyna oraı «О́zin qolbasshy jáne batyr retinde dáriptegen» taqyrybynda tarıhı portret - is-shara uıymdastyrylady, bir saǵattan keıin №15 kitaphana Murat Áýezovtiń 80 jyldyǵyna oraı ádebı is-sharaǵa shaqyrady.
