Qujattyń maqsaty – Qazaqstanda sıfrlyq aktıvter men sıfrlyq maınıngti shyǵarý jáne aınalymy jónindegi qyzmetti damytý úshin quqyqtyq baza qurý.
Senatorlardyń paıymdaýynsha, «Qazaqstan Respýblıkasyndaǵy sıfrlyq aktıvter týraly» zań sıfrlyq aktıvterdiń qyzmetin lısenzııalaýdy kózdeıdi jáne maınıng pýldarynyń jumysyna yqpal etedi. Zańda salyq salý maqsatynda sıfrlyq maınerler men pýldardyń kiristeri týraly málimetterdi usynýǵa qatysty erejeler kórsetilgen.
Zańdaǵy mańyzdy jańalyqtardyń biri – maınerler sıfrlyq bırjalardyń qyzmetin belgili túrde reglamentteıtin bolady, al memleket óz kezeginde osy salany baqylaýǵa ala alady.
Depýtattar zań sıfrlyq aktıvterdiń zańdy naryǵyn qalyptastyrýǵa, tutastaı alǵanda el ekonomıkasynyń damýyna úles qosatyn sheteldik ınvestısııany tartýǵa, sondaı-aq memlekettik bıýdjetke túsetin túsimderdi ulǵaıtýǵa múmkindik beredi dep sanaıdy.
Senatorlar qoldanystaǵy zańnamaǵa ózgerister men tolyqtyrýlar engizýdi kózdeıtin birqatar ilespe zańdardy da qarady. Sonyń ishinde sıfrlyq aktıvter, aqparattandyrý jáne sot ákimshiligi máseleleri boıynsha zańnamalyq aktilerge, Ákimshilik quqyq buzýshylyq týraly kodekske, Salyq kodeksi men ony qoldanysqa engizý týraly zańǵa túzetýler sııaqty máseleler talqylandy.
