«Bul saýda úıi adam kóp jınalatyn obekt bolǵandyqtan oǵan joǵary shaqyrý nómiri boıynsha órt sóndirý bólimsheleri jiberildi. Alǵashqy órt sóndirý kólikteri kelip, dereý órtti joıýǵa kiristi. О́rt sóndirýshilerdiń ýaqytyly kelýi men kelisilgen áreketteriniń arqasynda órttiń kórshiles tyǵyz ornalasqan saýda núktelerine odan ári taralýyna jol berilmedi. О́rtti sóndirý qatty tútinmen qıyndady», delingen SQO TJD baspasóz qyzmetiniń habarlamasynda.
О́rt 11.28-de oqshaýlanyp, 12.04-te joıylǵan. Qaza tapqandar men men zardap shekkender joq. Qazir órttiń sebebi men zalaly anyqtalyp jatyr.
Vedomstvo málimetinshe, órtti joıýǵa SQO TJ departamentiniń jeke quramynyń 37 adamy jáne 12 tehnıka birligi qatysqan. О́rttiń aýdany 30 sharshy metr.
«Saýda ortalyǵynyń ǵımaratynan 250 qyzmetker men nysanǵa kelýshiler evakýasııalandy. Psıhologııalyq qyzmet tobynyń qyzmetkeri evakýasııalanǵandardyń bir bóligimen stresstik jaǵdaıdy joıý boıynsha jumys júrgizdi. Olar órt sóndirý qyzmetiniń vahtasyna jáne jaqyn mańdaǵy kafege jylyný úshin ornalastyryldy. Onda olarǵa ystyq shaı usynyldy», delingen habarlamada.
