«Qazaqstan tennısshileri bastapqy kezdesýin aýstralııalyqtar Deın Sýını – Lı Týmen ótkizdi. Nedovesov pen Golýbev 6:0, 6:2 esebimen ońaı jeńdi. Bir saǵatqa jýyq ýaqytqa sozylǵan báseke barysynda olar 1 eıs jasap, 7 breık-poınttyń beseýin óz esebine jazdy. Qazaqstandyq juptyń ekinshi aınalymdaǵy qarsylastary keıin anyqtalady», dep habarlady QTF baspasóz qyzmetinen.
Sondaı-aq Aleksandr Býblık Melbýrnmen qosh aıtysty. Ol aýstralııalyq Djon-Patrık Smıtpen birge osy «Úlken dýlyǵa» týrnıriniń birinshi raketkalary, nıderlandylyq Ýeslı Kolhof – Nıl Skýpskıge jol berdi – 1:6, 2:6.
Anna Danılına men Aleksandr Nedovesov mıkste baq synaıdy. Olar kolýmbııalyq Hýan Sebastıan Kabal – fransııalyq Krıstına Mladenovıchpen oınaıdy.
