Aryz boıynsha tekserý júrgizgen polıseıler ótken jyldyń qarasha aıynda belgisiz adamnyń WhatsApp jelisi arqyly onlaın túrde saýda úıine 514 myń teńgege áıelderliń syrt kıimderine tapsyrys berip, taýardy taksı arqyly alǵanyn anyqtaıdy. Odan keıin de basqa abonenttik nomer arqyly tapsyrysty qabyldaýshyǵa birneshe jalǵan túbirtek jiberip, ındraıver arqyly Shymkent qalasyna zattaryn saldyrtyp otyrǵan.
Tapsyrysty qabyldaýshy satyp alýshy áıeldiń aýdarymy esepshotyna túspegendikten dereý Qyzylorda qalasy polısııa basqarmasyna kelip, kómek suraǵan.
Atalǵan oqıǵa boıynsha qylmysty ashý barysynda basqarma qyzmetkerleri Shymkent qalasyna baryp, kúdiktini ustady. Otyz tórt jastaǵy áıel «Feıkovye chekı» qosymshasyn qoldanyp, jalǵan túbirtek arqyly jábirlenýshige 7 mıllıon 500 myń teńge somasynda zalal keltirgenin moıyndady.
Atalǵan derek boıynsha QR QK 190-babynyń 2-bóligi 4 – tarmaǵymen (Alaıaqtyq) sotqa deıingi tergep-tekserý áreketteri júrgizilip jatyr. Kúdikti Qyzylorda qalalyq polısııa basqarmasynyń ýaqytsha ustaý ızolıatoryna qamaldy.
