Kollajdy jasaǵan Záýresh Smaǵul, «EQ»
О́ńirde jalpy 470 mal qystaýy bar. Aýdanda ázirlengen mal azyǵynyń 80 paıyzy sol qystaýlarǵa jetkizilip, jınalǵan.
«Mal qystatý naýqanyn turaqty baqylap otyratyn aýyldyq okrýg ákimderiniń janynan arnaıy shtab qurylǵan. Onyń quramyna veterınarlar men dárigerler, IIB qyzmetkerleri, okrýg ákimderiniń mamandary sııaqty jaýapty tulǵalar engizilgen. Aı saıyn kem degende eki márte shtab músheleri qystaýlardy aralap, mal men malshylardyń jaı-kúıimen tanysyp otyramyz», deıdi aýdandyq aýylsharýashylyq bóliminiń bas mamany Ermek Qonaqbaev.
О́ńirde keıingi jyldary tórt túlik sany eselep ósti. Búgingi tańda 284 myńnan asa qoı-eshki, 89 myńnan asa iri qara, 20 myńnan asa jylqy jáne 350 túıe bar. Osy oraıda sońǵy jyldary asyl tuqymdy mal ósiretin sharýa qojalyqtarynyń sany 10-nan 34-ke kóbeıgenin aıta ketken jón.
Byltyr Taldy aýyldyq okrýgindegi Nurdáýlet Naımanbaev 100 asyl tuqymdy qalmaq sıyryn, Basqunshy aýylyndaǵy Baqyt Jaqypbekov 58 «Sımental» asyl tuqymdy qunajyn satyp alyp, qazir óz tóli esebinen kóbeıtip otyr. «Kóktal agro» JShS 1150 saýyn sıyrǵa laıyqtalǵan sút fermasyn salyp, iske qosty. Qazir munda Aýstralııadan shved tuqymdy 473 qunajyn ákelinip, sonyń buzaýlaǵan 245-i saýylyp, kún saıyn 6 tonna sút Taldyqorǵandaǵy sút óńdeý zaýytyna jóneltiledi. Osyndaı is-qımyl «Ernar» JShQ-da jasalady. Munda ótken jyly aǵylshyn tuqymdy 523 «Jersi» sútti sıyryn ákelip, 250-den astamyn saýyp, aptasyna 8 tonnadan asa sút ótkizip otyr.
Mal sharýashylyǵyndaǵy alda turǵan taǵy bir mańyzdy másele – kóktemgi mal tóldetý naýqany. Kúzde Jarkent óńirinde 130 myńnan asa saýlyq asyl tuqymdy qoshqardan alynǵan uryqpen qoldan qashyryldy. Bul saýlyqtar aldaǵy naýryz aıynda tóldeı bastamaq.
Qoryta aıtsaq, Jarkent óńirindegi tórt túliktiń qystan sheldi shyǵaryna mamandar men malshylar senimdi. «Sheldi mal – tóldi» degendeı, bul da el yrysyn eseler bereke bastaýy.
Jetisý oblysy
