Sonyń aldynda ǵana jerlesterimiz Chelıabide «Traktordy» overtaımda 3:2 esebimen utyp, óz jankúıerlerin bir qýantyp tastaǵan edi. Osy joly da «Barystan» jeńis kúttik. О́ıtkeni alda – Gagarın kýbogi jolyndaǵy jarys. Ala-qula óner kórsetip júrgen elordalyq klýb oǵan qatysa ma, álde joq pa, ol jaǵy áli belgisiz. Sol sebepti de qazirgi kezde árbir upaı bizder úshin óte qundy. Aıtqandaı-aq, «Avtomobılıspen» kezdesýge de astanalyqtar tas-túıin daıarlyqpen kelgen eken. Bul básekede «Barystyń» oıynshylary arasynan Anton Sagadeev dýbl avtory atansa, Egor Petýhov, Dmıtrıı Shevchenko jáne Djeremı Brakko bir-bir goldan soqty. Aıdyn ıeleri úsh golmen ǵana jaýap berdi. Nátıjesinde elordalyq klýb 5:3 esebimen jeńiske jetti.
Qazirgi kezde 55 kezdesýden keıin 52 upaı jıǵan «Barys» turaqty birinshiliktiń jarys kestesinde 16-oryndy ıelenýde. Endi olar kelesi kezdesýin búgin Magnıtogorskiniń «Metallýrgimen» ótkizedi.
