«HQKO mamandary ótinim berýshilerge kómektesip turady. Munda siz keńes ala alasyz, qujattardy bazalar boıynsha teksere alasyz. Árbir ótinim jeke qaralady. Qosymsha suraqtary bar avtokólik ıelerine qajetti usynystar beriledi», delingen Ishki ister mınıstrligi taratqan habarlamada.
Eske sala ketsek, Halyqqa qyzmet kórsetý ortalyqtary saǵat 22:00-ge deıin jumys isteıdi.
Kólikti zańdastyrý úshin:
- e-gov.kz elektrondyq úkimet portaly arqyly;
- Ekinshi deńgeıdegi bankterdiń qosymshalary arqyly;
- HQKO-larda ótinim berýge bolady.
Ereje boıynsha avtokólik Qazaqstanǵa 2022 jyldyń 1 qyrkúıegine deıin ákelinýi tıis, kólik qylmystyq esepte turmaýy tıis, basqa memlekette burynǵy tirkelgen jeri boıynsha esepten shyǵarylýy tıis. Sondaı-aq Eýrazııalyq ekonomıkalyq odaqqa kirmeıtin elderden ákelingen avtomobıl kedendik tazartýdan ótýi tıis.
