Jalpy, aqyn mýzeıiniń ashylǵan kúni eshqashan eskerýsiz qalmaǵan. Jyl saıyn osy kúni túrli mádenı is-sharalar uıymdastyrylady. Biz aıtyp otyrǵan kórme de – sonyń bir kórinisi. Is-sharanyń negizgi maqsaty – tuǵyrly tulǵanyń shyǵarmalaryn nasıhattaý.
S.Seıfýllın mýzeıiniń ǵylymı qyzmetkeri Qabıden Qýanyshbaıdyń aıtýynsha, kórmege kórnekti qaıratkerdiń latyn jáne tóte qarpimen shyqqan eńbekterimen birge ol qurastyrǵan kitaptar qoıylǵan. Solardyń ishinen 1914 jyly jaryq kórgen «О́tken kúnder» atty tuńǵysh jyr jınaǵy men 1927 jyly tóte qarpimen, 1936 jyly latyn grafıkasymen basylǵan, ataqty «Tar jol, taıǵaq keshý» memýarlyq romanyn erekshe aıtýǵa bolady. Sondaı-aq 1935 jyly Almatydaǵy Qazaqstan kórkem ádebıet baspasynan Sákenniń alǵysózimen shyqqan Ybyraı Altynsarınniń jyr jınaǵy da bar. Bul kitapqa aǵartýshynyń 25 óleńi engen. Sonymen birge kórme tórinen qalamgerdiń 1932-1935 jyldary shyǵarmalary engen «Ádebıet maıdany» jýrnaly, 1973 jyly shyqqan «Lotos» atty afro-azııalyq óleńder almanahy jáne «Sosıalıstan», «Ekspress» kitaptary men jary Gúlbahramǵa 1929-1935 jyldary jazǵan hattary oryn alǵan.
