Shyǵys Qazaqstan oblysynda sanıtarlyq tikushaq eki adamnyń ómirin saqtap qaldy

О́SKEMEN. 13 maýsym. Shyǵys Qazaqstan oblysynda úzdiksiz dárigerlik kómek kórsetý júıesi damyp keledi. Máselen, naýqastardy tasymaldaýǵa arnalǵan tikushaqtyń paıdalanýǵa berilýi óńirdegi medısınalyq qyzmettiń jandana túskenin kórsetedi. Bul týraly egemen.kz tilshisi habarlady. 11 maýsymda Semeı qalasynda ótken medısına qyzmetkerleriniń kúninde paıdalanýǵa berilgen sanıtarlyq avıasııa qyzmeti alǵashqy kúnnen-aq qyzý jumysqa kirisip ketti. Shyǵysqazaqstandyq aq halattylarǵa arnalǵan MD 600 tikushaǵy «Salamatty Qazaqstan» baǵdarlamasy boıynsha respýblıkalyq sanıtarlyq avıasııa ortalyǵynan bólingen bolatyn. Semeı qalasy sanıtarlyq avıasııasynyń meńgerýshisi Najııa Pronınanyń aıtýynsha, atalǵan tikushaq arnaıy medısınalyq jabdyqtarmen qamtamasyz etilgen. Jeke tikushaqtyń berilýi Semeı qalasynan shalǵaı ornalasqan aýdandardaǵy turǵyndarǵa jedel kómek kórsetýdi jaqsartýǵa septigin tıgizetin bolady. Tikushaq berilgen kúnniń keshinde 2 naýqas jedel ortalyq aýrýhanaǵa jetkizilipti. Onyń biri tolǵaǵy ýaqytynan buryn jetken aıaǵy aýyr kelinshek bolsa, ekinshisi gemorragııalyq ınsýlt alǵan jas jigit eken. Abaı aýdanynyń 28 jastaǵy turǵynynyń ómirin saqtap qalýǵa osylaısha jańadan qoldanysqa berilgen tikushaq septigin tıgizdi. «Eger naýqasty der ýaqytynda aýrýhanaǵa jetkizbegende, ınsýlt ólimmen aıaqtalýshy edi», – deıdi tikushaq bortyndaǵy dárigerler. Aıta keteıik, atalǵan tikushaqtyń bir ushýynyń ózi memleket qazynasyna 1 mıllıon teńgege túsedi. Árıne, adam ómiri tarazy basyna tartylǵanda, atalǵan shyǵyn ózin-ózi tolyq óteıtinin joqqa shyǵara almaımyz. Dýman Anash. Derekkóz: Egemen.kz. Foto: «QazAqparat».