– Bıyl Prezıdenttik jastar kadr rezervine kezekti irikteý ótedi. Qazirgi kezde elimizdiń eń mańyzdy salalary densaýlyq saqtaý, energetıka, bilim berý baǵytynda jumys isteıtin rezervshilerdiń sany óte az. Bul rette, rezervshilerdiń salalyq toptaryn qaıta qarastyramyz. Úmitkerlermen áńgimelesý mindetti túrde salalyq ortalyq organnyń qatysýymen ótkizemiz dep josparlap otyrmyz, – dedi agenttik tóraǵasy.
Al osyǵan deıin rezervke qabyldanǵan, alaıda ózge eldiń azamattyǵyn alyp Qazaqstan azamattyǵyn joǵaltqan, sondaı-aq qyzmetten túrli sebeppen ketkender rezervten shyǵarylady. Sonymen qatar memlekettik grantpen bilim alǵan joǵary oqý oryndarynyń úzdik túlekteri aýdandyq jáne aýyldyq deńgeılerde konkýrssyz qyzmetke taǵaıyndalady.
– Bul bilikti jastardy memlekettik qyzmetke yntalandyrýǵa, jas mamandardyń aýdan men aýyldyq jerlerge oralýyna, sonymen qatar óńirlerdegi kadr tapshylyǵyn azaıtýǵa septigin tıgizip, memlekettik qyzmetke kirýdi jeńildetedi. Buǵan qosa «B» korpýsynyń joǵary laýazymdaryna ýákiletti organnyń kelisimimen konkýrstyq irikteýsiz tikeleı taǵaıyndaý múmkindigi berilip otyr. Bul birinshi basshylardyń óz qyzmetshileri úshin jaýapkershiligin arttyrady. Sondaı-aq Prezıdent janyndaǵy Memlekettik basqarý akademııasynda joǵary úlgerimin kórsetken túlekterdi oqýdy bitirgennen keıin bir jyl ishinde elordany qospaǵanda, jergilikti organdarǵa jekelegen laýazymdarǵa konkýrstyq irikteýsiz taǵaıyndaýdy qarastyryp otyrmyz, – dedi D.Jazyqbaev.
Al eki toqsan boıy qabilettilikteri tıimsiz dep baǵalanǵan qyzmetshilerdiń laýazymy tómendetiledi, eger tómengi bos laýazym orny bolmaǵan jaǵdaıda qyzmetten shyǵarylady. Agenttik basshysynyń aıtýynsha, bul apparatty tıimsiz memlekettik qyzmetshilerden bosatýǵa yqpalyn tıgizip, memlekettik qyzmetten shyǵý tártibin jeńildetedi.
Buǵan qosa agenttik memlekettik qyzmetti jetildirý jóninde zań jobasyn ázirlep, Parlamenttiń qaraýyna jibergen. Zań jobasynda Prezıdent sheshimimen saıası qyzmetshilerdi «senim joǵaltýyna» baılanysty jumystan shyǵarý máselesi qarastyrylǵan. Mundaı sebeppen shyǵarylǵan qyzmetshi memlekettik qyzmetke úsh jyl boıy qaıtyp kele almaıdy.
– Aldaǵy ýaqytta memlekettik organdardaǵy basqarýshy jáne atqarýshy laýazymdar sany retteledi. Qazirgi kezde, keıbir memlekettik organdarda bir ne eki qyzmetshiden qurylǵan bólimsheler bar. Bizdiń maqsatymyz – memlekettik organdardyń ońtaıly jáne tıimdi qurylymyn qalyptastyrý. Osynyń biri retinde «E-qyzmet» júıesiniń syrtqy portalynda iske asyrylatyn memlekettik qyzmetke jańa irikteý algorıtmi ázirlendi, onda konkýrstyq rásimdi ótkizý formaty qaıta qaraldy. Konkýrstyq rásimniń jańa formaty úmitkerlerge aldyn ala belgilengen ýaqytta ótetin áńgimelesýden basqa barlyq kezeńde, kez kelgen ýaqytta jáne álemniń kez kelgen núktesinen konkýrsqa qatysýǵa múmkindik beredi. Endigi kezektegi bizdiń josparymyz jańa irikteý júıesin synaqtan ótkizý, – dedi agenttik tóraǵasy.
Atalǵan qanatqaqty joba 1 naýryzdan bastap 5 memlekettik organda (Memlekettik qyzmet isteri agenttigi, Indýstrııa jəne ınfraqurylymdyq damý mınıstrligi, Saýda jəne ıntegrasııa mınıstrligi, Aqmola oblysy jáne Shymkent qalasy ákimdikteri) synaqtan ótkiziledi.
Búginde keıbir qyzmet kórsetý salalary bıýrokratııadan aryla qoımaǵany belgili. Osy baǵytta agenttik densaýlyq saqtaý, bilim berý, eńbek, áleýmettik qorǵaý salalaryna taldaý júrgizip, memlekettik apparattyń jumysyn meılinshe turǵyndarǵa baǵdarlanǵan servısti qalyptastyrýǵa, bıýrokratııalyq kedergilerdi azaıtýǵa baǵyttalǵan 183 usynys ázirlegen.
– Buǵan qosa, jalpy memlekettik organdardyń jumysynda kóp kezdesetin ishki ákimshilik rásimderine keshendi monıtorıng júrgizildi. Bul jumysqa ártúrli sala mamandarynan, azamattyq qoǵam ókilderinen jáne sarapshylardan quralǵan jalpy sany eki myńǵa jýyq adam qatysty. 2023 jyly qarjy-ekonomıkalyq salasyna taldaý júrgizýdi josparlap otyrmyz, – dedi D.Jazyqbaev.
Memlekettik qyzmet isteri agenttiginiń keńeıtilgen alqa otyrysyna Prezıdent Ákimshiliginiń ókilderi, Parlament depýtattary, qoǵamdyq keńes músheleri, ortalyq memlekettik organdar ókilderi, aýmaqtyq departamentterdiń basshylary, Prezıdent janyndaǵy Memlekettik basqarý akademııasy jáne Memlekettik qyzmet personalyn basqarý jónindegi ulttyq ortalyqtyń qyzmetkerleri qatysty.
