Is-sharaǵa sondaı-aq Uıymǵa múshe memleketterdiń syrtqy saıası vedomstvolarynyń basshylary jáne EYU mamandandyrylǵan agenttikteriniń jáne AО́SShK, TMU jáne t.b. óńirlik uıymdardyń basshylary qatysty.
Otyrysqa qatysýshylar EYU-ǵa múshe memleketterdiń saýda, ınvestısııalar, azyq-túlik qaýipsizdigi, ekologııa, aýyl sharýashylyǵy, transporttyq dálizder jáne t.b. salalardaǵy ózara is-qımylynyń tıimdiligin arttyrý jónindegi keń aýqymdy máselelerdi talqylady. Sondaı-aq Uıym keńistiginde ekonomıkalyq baılanystardy odan ári damytý jóninde usynystar engizdi.
SIMK qorytyndysy boıynsha Tashkent kommıýnıkesi qabyldandy. Ol Qazaqstannyń usynysy boıynsha EYU men Azııadaǵy ózara is-qımyl jáne senim sharalary jónindegi keńesi (AО́SShK) arasyndaǵy ózara is-qımyldy damytýdy kózdeıdi. AО́SShK-ge tóraǵa el retinde Qazaqstan osy usynysty is júzinde iske asyrýǵa járdemdesýge daıyn ekenin bildirdi.
Aýǵanstandaǵy oqıǵalardy eskere otyryp, mınıstr M. Tileýberdi áriptes memleketterdi osy eldi EYU sheńberindegi óńirlik ekonomıkalyq prosesterge belsendi tartýǵa shaqyrdy. Sondyqtan Qazaqstannyń aýǵan halqyna materıaldyq jáne gýmanıtarlyq qoldaý týraly aıtty.
SIMK sheńberinde Qazaqstan ókili Jandos Asanov jańa 3 jyldyq kezeńge EYU Bas hatshysynyń orynbasary laýazymyna qaıta saılandy.
Is-shara barysynda Keńes 2023 jylǵa arnalǵan EYU Jumys baǵdarlamasy men Is-sharalar kúntizbesin maquldady, sondaı-aq EYU Hatshylyǵy men mamandandyrylǵan organdarynyń qyzmeti týraly esepter qabyldandy, Uıymnyń jobalaý qyzmeti máseleleri boıynsha usynymdar ázirlendi, 2023 jylǵa arnalǵan bıýdjet maquldandy.
Is-shara aıasynda Qazaqstannyń syrtqy saıası vedomstvosynyń basshysy О́zbekstan, Tájikstan syrtqy ister mınıstrlerimen, sondaı-aq EYU Bas hatshysymen bólek ekijaqty kezdesýler ótkizdi.
