«Astana Opera» teatrynyń dırektory Ǵalym Ahmedıarov álemdik opera juldyzy Hıbla Gerzmavanyń atynan arnaıy syılyq alýy Gúldananyń ónerdegi jolynyń bir jemisti qadamy ekenin jetkizdi.
Daryndy ánshiniń ózi de baıqaýǵa qatysqan barlyq qarsylastary myqty bolǵanyn aıtady.
«Shynymdy aıtsam, fınalǵa shyǵamyn dep esh oılaǵan joqpyn. Alǵashqy eki aınalymda uıymdastyrýshylar daıyndaǵan tizimdegi arııalardy aıtý kerek. Biraq men olardy buryn oryndamaǵan edim. Sondyqtan jańa shyǵarmadaı áser etti. Alaıda operettadan arııamen jáne esh súıemeldeýsiz halyq ánimen óner kórsetý – men úshin naǵyz emtıhan boldy», deıdi júldeger.
Mýzyka synshylary Gúldana Aldadosovanyń talantyn birinshi aınalymnan keıin birden baıqap, oǵan «máskeýlik opera sahnasynyń kórki» degen baǵa bergen.
Aıta keteıik, Hıbla Gerzmava – Metropolıten Opera, La Skala, Kovent-Garden, Parıj ulttyq operasy, Arena dı Verona sekildi álemniń aıtýly sahnalarynda óner kórsetip júrgen áıgili opera ánshisi ǵana emes, sondaı-aq onyń Máskeý konservatorııasynyń jeke án aıtý kafedrasynyń dosenti, «Onegın» Ulttyq opera syılyǵynyń prezıdenti jáne «Hıbla Gerzmava shaqyrady…» atty mýzykalyq festıvaliniń jetekshisi.
