Qazir sharýanyń aýlasynda, qoı-eshkimen birge júrgen janýar qoldan jemshóp jep, sý ishýge jatyrqamaǵan. Adamnan úrikpeıdi. Soǵan qaraǵanda buǵan deıin de arnaıy qoryqta, adamdardyń baǵýynda bolǵandaı kórinedi.
«Jabaıy janýar aýylǵa keldi» degen aqparatty estip, oqıǵa ornyna «Bókeıorda» memlekettik tabıǵı rezervaty baqylaý basqarmasy basshysynyń orynbasary Bısebaı Tólepov, Tereńkól aýyldyq okrýginiń jetekshi mal dárigeri Bekbolat Aıapov arnaıy bardy. Mal dárigeri janýardyń buǵy tuqymdas túz taǵysy ekenin, qyzǵylt-qońyr terisinde teńbil daqtary bar ekenin, múıizi qalypty jetilgenin, shamamen bir jasta ekenin, syrtqy kelbetinde jaraqat belgileri joqtyǵyn, en-tańbasyz ekenin anyqtap, qujat toltyrǵan.
– Bizdiń boljaýymyzsha, bul janýar Reseı aýmaǵynan kelgen. О́ıtkeni mundaı ań bizdiń óńirde kezdespeıdi. Biz sharýashylyq ıesimen shart jasap, túz taǵysyn ýaqytsha baǵý týraly kelisip jatyrmyz. Ol úshin qajetti jemshóbin jetkizip beremiz. Aldaǵy ýaqytta ǵalymdar kelip, janýardy zerttep, naqty qaı túrge jatatynyn anyqtaıdy. Onyń bolashaq taǵdyry sol kezde sheshiledi, – deıdi B.Tólepov.
Qaırat JAQYP
Batys Qazaqstan oblysy
