Sýretti túsirgen Aıdana HAMIDÝLLINA
«Aýyldyq aımaqtardaǵy tirek mektepteriniń áleýetin arttyrý» qaıyrymdylyq jobasy aıasynda №5 mekteptiń 24 oqý kabıneti tolyǵymen jańasha jabdyqtalypty.
Eń basty maqsaty aýyl men qala mektepterindegi bilim sapasynyń aıyrmashylyǵyn joıý bolǵan jańa jobany «Qazaqstan halqyna» qory, Bilim salasyn turaqty damytý qory men Nazarbaev zııatkerlik mektepteri birlesip qolǵa alǵan eken. Sol boıynsha tańdalyp alynǵan tirek mektebiniń oqý kabınetteri tolyǵymen jańasha jabdyqtalǵan. Aıta keterligi, bul jerde mektepter tek materıaldyq-tehnıkalyq jaǵynan ǵana jańarmaıdy, mundaǵy búkil oqý úderisi de eń aldyńǵy qatarly tásilge kóshpek.
Osy joba boıynsha elimizde 17 aýyl mektebin jańasha jabdyqtaý josparlanǵan. Bul maqsatqa 4 mlrd 250 mln teńge – ár mektepke shamamen 250 mln teńge bólingen. Qazirdiń ózinde Aqmola oblysynda Qatarkól aýylynyń Dosov atyndaǵy orta mektebi, Pavlodar oblysy Ertis aýdanyndaǵy №1 Ertis orta mektebi, Qostanaı oblysy Sarykól aýdanyndaǵy Ýrıskıı orta mektebi, Qaraǵandy oblysy Aqtoǵaı aýdanyndaǵy K.Baıseıitova atyndaǵy orta mektebi, Abaı oblysy Aıagóz qalasyndaǵy qalalyq kópbeıindi qazaq mektep-gımnazııasy, Ulytaý oblysy Ulytaý aýdanyndaǵy №1 Ulytaý jalpy bilim beretin orta mektebi, Shyǵys Qazaqstan oblysy Marqakól aýdanyndaǵy №1 orta mektebi, Jetisý oblysy Jansúgirov aýylyndaǵy E.Sıqymov atyndaǵy orta mektebi, Aqtóbe oblysyndaǵy Bestamaq orta mektebi sekildi 10 aýyldyq tirek mektep jaraqtandyrylyp, ustazdarǵa arnalǵan oqytý kýrstary men taǵylymdama túrinde ádisnamalyq qoldaý kórsetilgen.
Aqsaıdaǵy №5 mekteptiń qaıtadan ashylýy erekshe saltanatpen ótti. Jıynǵa «Nazarbaev zııatkerlik mektepteri» avtonomdy bilim berý uıymynyń basqarýshy dırektory Aıgúl Qazjanova, «Beeline Qazaqstan» aımaqtyq damytý dırektory Rýstam Baspanov, Bilim berýdi turaqty damytý qorynyń dırektory Danııar Toqtarbaev, «Qazaqstan halqyna» qory tóraǵasynyń orynbasary Lázzat Shyńǵysbaeva, Oral qalasyndaǵy fızıka-matematıka baǵytyndaǵy Nazarbaev zııatkerlik mektebiniń dırektory Aıdarbek Aıtpýkeshev, pedagogıkalyq sheberlik ortalyǵynyń dırektory Larısa Obydenkına, NZM ustazdary qatysty.
«Aýyldyq aımaqtardaǵy tirek mektepteriniń áleýetin arttyrý» qaıyrymdylyq jobasy aıasynda №5 mekteptiń 24 oqý kabıneti tolyǵymen jańasha jabdyqtalypty. Buǵan 249 825 000 teńge qarajat jumsalǵan. Qorǵa qarajat bólgen «Beeline Qazaqstan» kompanııasy – joba donorlarynyń biri. Mektep 17 ınteraktıvti taqtamen qamtylyp, odan bólek zamanaýı qural-jabdyqpen jabdyqtalǵan stem-zerthana, art-stýdııa, ıntellektým kabıneti, zamanaýı kitaphana, sportzal quraldary, kórkem eńbek kabınetteri, tigin sheberhanasy, psıholog jáne logoped kabınetteri ashylǵan. Sonymen qatar mektep ǵımaratyna únemdelgen qarajat jáne jan basyna qarjylandyrý esebinen 25 mln teńgege jóndeý jumysy júrgizilgen.
Buǵan qosa baǵdarlama aıasynda osy mektepke úzdik pedagogıkalyq tájirıbe men ádisteme engizilgen. Mektep kitaphanasy muǵalimder, oqýshylar men ata-analar úshin qosymsha bilim berý resýrstyq alańyna aınalypty.
Sonymen birge osy jobanyń seriktesi – Bilim berýdi turaqty damytý qory men «Nazarbaev zııatkerlik mektepteri» DBBU mekteptegi bilim berý ortasy men oqytý sapasyn tereń zerttep, osy taldaý nátıjeleri negizinde mektepti damytý, bilim berý sapasyn arttyrý boıynsha usynystar tizbesin jasaǵan. Sondaı-aq muǵalimderge qajetti biliktilikti arttyrý kýrstary anyqtalǵan.
Keleshekte Aqsaıdaǵy tirek mektebi jaqyn mańdaǵy aýyldyq shaǵyn jınaqty mektepter úshin, ondaǵy muǵalimder men oqýshylar úshin tájirıbemen jáne ádis-daǵdymen bólisetin quzyretti ortalyqqa aınalady.
Aıta keteıik, Batys Qazaqstan oblysy boıynsha tańdalyp alynǵan Aqsaı tirek mektebinde 817 oqýshy bilim alady, 70 pedagog jumys isteıdi. Mektepte 41 synyp oqýshylary qazaq jáne orys tilderinde bilim alady.
– Mektebimiz shyn máninde «jaıly mektepke» aınaldy. О́ıtkeni «Aýyldaǵy tirek mektepterdiń áleýetin damytý» jobasy bizge sapaly bilim alýǵa, oqýshylardy tárbıeleýge, pedagogıkalyq ujymnyń áleýetin damytýǵa, mektepte qaýipsiz jaǵdaıdy qamtamasyz etýge shynymen de erekshe múmkindik týdyryp otyr. Biz osy jobanyń bir bóligi bolǵanymyzǵa qýanyshtymyz, – deıdi mektep dırektory Gúlmıra Sembıeva.
Aqsaı mektebi pándik oqý kabınetterimen qatar qosymsha bilim berý kabınetterimen de jabdyqtalǵan. Mysaly, STEM-zerthanalary oqýshylardy matematıka, ınjenerııa, sıfrlyq tehnologııa jáne jaratylystaný ǵylymdaryna qyzyqtyryp, bilimin keńeıtedi. ART-stýdııasy men robottehnıka kabıneti bolǵanyna da balalar óte rıza. Munda shyǵarmashylyq turǵydan damýǵa, emosıonaldyq turǵydan kúsh alýǵa, ózindik ıdeıalaryn júzege asyrýǵa bolady. Bul oqý úderisiniń barlyq qatysýshysyna oń serpilis ákeldi.
Qazir Aqsaı mektebi óziniń telestýdııasyn ashyp úlgergen. Bul muǵalimder ujymyna ózderiniń jáne mekteptiń tájirıbesin batys óńirindegi basqa mektepterge taratýǵa, sıfrlyq tehnologııalar salasyndaǵy biliktilikti shyńdaýǵa múmkindik beredi. Mobılograf, bloger bolǵysy keletin jas órender qazirdiń ózinde osy jerde sheberlik syryn úırenip júr.
«Nazarbaev zııatkerlik mektepteri» derbes bilim berý uıymy osy jobanyń bas seriktesi retinde tirek mekteptiń bilim mazmunyn kóterýge den qoıǵan. Joǵaryda aıtqandaı, mekteptegi bilim berý ortasy men oqytý sapasyna taldaý júrgizip, qazirgi ahýaldy anyqtady. Sóıtip, zııatkerlik mektep alańynda Aqsaı mektebiniń muǵalimderi barlyq pán boıynsha tájirıbeden ótti. №5 mektep ujymynyń tirek mektep retinde damýy, bilim sapasyn arttyrý, oqytýdyń zamanaýı tehnologııalaryn engizý boıynsha naqty usynystar jasaldy. Muǵalimderge qajetti biliktilikti arttyrý kýrstary josparlandy.
– Bul jobanyń bes mindeti bar. Ol – aýyl mektepterindegi oqytý tehnologııasyn jetildirý, tirek mektepterdi materıaldyq-tehnıkalyq turǵydan jabdyqtaý, tirek mektepterdiń tájirıbesin óńir mektepterine, onyń ishinde shaǵyn jınaqty mektepterge dáriptep engizý. Tórtinshi – mektepti aýyldyń komıýnıtı-ortalyǵy retinde damytý. Besinshi – qoǵamda jańa minez-qulyq úlgisin qalyptastyratyn durys qundylyqtar júıesi bar qamqorshy qazaqtardyń qaýymdastyǵyn qalyptastyrý. Bolashaqta osyndaı tirek mektepterdi árbir aýdan ortalyǵynda ashýdy josparlap otyrmyz. Qazir naqty qaı bilim ordasy tirek mektepke aınalatyny jóninde oblystyq bilim basqarmasymen aqyldasyp jatyrmyz, – deıdi «Qazaqstan halqyna» qorynyń ókili Lázzat Altynbekqyzy.
«Nazarbaev zııatkerlik mektepteri» derbes bilim berý uıymy basqarýshy dırektory Aıgúl О́mirqyzy tirek mektep muǵalimderin ǵylymı-ádistemelik jáne saraptamalyq turǵyda súıemeldeýdi jalǵastyra beretinin aıtady. Bul bastan-aıaq tegin júrgiziletin qaıyrymdylyq kómek. Mysaly, Aqsaıdaǵy №5 mektepke Oral qalasyndaǵy Nazarbaev zııatkerlik mektebi ujymy erekshe kómektesip, barynsha qoldaý kórsetken. Bul shyn máninde óte mańyzdy másele, óıtkeni ǵımarattyń ishi-syrtyn sándep, jarqyratyp qoıǵanmen, onyń ishki mazmuny, bilim sapasy sáıkes bolmasa, eńbektiń esh ketkeni emes pe?!
Batys Qazaqstan oblysy
