Rejısser Qanaǵat Mustafın bastaǵan shyǵarmashylyq top 4 bólimnen turatyn tarıhı telehıkaıanyń túsirilim jumystaryn ótken jyldyń qyrkúıek aıynda bastaǵan. О́zbekstannyń Hıýa qalasyndaǵy tarıhı kadrlar qańtar aıynda túsirildi.
Jobanyń tarıhı keńesshisi – etnograf Berik Júsip. Redaktory - Bolat Jetekbaı. Prodıýseri – Sholpan Batyrbaeva. Qorqyttyń ár kezeńdegi rólderin Dinıslam Nurmaǵambet, Ádil Ahmetov jáne Aıdos Bektemir somdaıdy. Sonymen qosa negizgi tarıhı rólderdi Erkebulan Daıyrov, Zarına Karmen, Medǵat О́miráli oınaıdy. Serıalda qyrǵyzdyń ataqty manasshysy Rysbaı Isaqov pen tanymal akter Askat Sýlaımanovtyń rólderi bar.
Telehıkaıa sıýjetinde Qorqyttyń dúnıege kelýi, balalyq shaǵy, jetkinshek kezinen sáýegeı, abyz retinde qalyptasý joly kórsetiledi. Telehıkaıa ssenarııi álemdik deńgeıde zerttelgen «Qorqyt ata» kitabyna jáne halyq arasyndaǵy ańyzdarǵa negizdelgen.
«Qorqyt ata» tarıhı bıografııalyq dramasy - «Qazaqstan» teleradıokorporasııasynyń ózge memleketpen birlese túsirgen alǵashqy telehıkaıasy. Serıaldyń ekranızasııasy 2023 jyldyń sońyna josparlanǵan.
Joba prodıýseri Sholpan Batyrbaeva buǵan deıin «Qazaqstan» ulttyq telearnasyndaǵy joǵary reıtıngti «Aýyl muǵalimi», «Shyraǵym», «Shabdaly18» telehıkaıalaryna jetekshilik etken, rejısser Q.Mustafın alǵashqy otandyq 100 bólimdi telehıkaıa «Qara shańyraq» serıalynyń rejısseri retinde tanymal.
