Portýgalııanyń Respýblıka Assambleıasynda Qazaqstan elshisi Dáýlet Batyrashevtyń «Portýgalııa-Qazaqstan» parlamentaralyq dostyq tobynyń tóraǵasy Rýı Paýlý Soýzamen, onyń orynbasary Fransıshký Pımental jáne Parlament depýtaty, Jerorta teńizi parlamenttik assambleıasynyń prezıdenti Pedrý Rokpen kezdesýi ótti, dep habarlaıdy Egemen.kz.
Suhbat barysynda Qazaqstan dıplomaty elimizdiń qoǵamdyq ómiriniń barlyq salalaryndaǵy reformalardyń basty maqsattaryn, «kúshti Prezıdent - yqpaldy Parlament - esep beretin Úkimet» formýlasyn iske asyrý jónindegi pármendi qadamdardy áńgimelep berdi. Elshi Qazaqstan óz damýynyń jańa dáýirine qadam basyp, aýqymdy qaıta qurýlardy qarqyndy júrgizip kele jatqanyn atap ótti. Eýropalyq odaqtaǵy senimdi áriptesi retinde Portýgalııamen yntymaqtastyqty damytýdyń joǵary mańyzdylyǵyna nazar aýdardy.
Kezdesýde Qazaqstan men Portýgalııa arasyndaǵy parlamentaralyq yqpaldastyqty damytý keleshegi egjeı-tegjeıli talqylandy. Pedrý Rok Qazaqstannyń ekonomıkalyq ósýiniń oń qarqynyn joǵary baǵalap, saıası-ekonomıkalyq jáne mádenı-gýmanıtarlyq salalardaǵy josparly áriptestikti odan ári tereńdetý qajettigin atap ótti.
О́z kezeginde Rýı Paýlý Soýza Májiliske saılaý Qazaqstannyń saıası júıesin odan ári jańǵyrtýǵa qosymsha serpin beretinin jáne eki eldiń parlamentshileri deńgeıinde ekijaqty baılanystardy jandandyrýdyń mańyzdylyǵyn atap ótip, qazaqstandyq áriptesterin bıyl Portýgalııaǵa saparmen kelýge shaqyrdy.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Mereke • Búgin, 08:53
BUU Naýryzy: Álemdi úılestiretin meıram
Mereke • Búgin, 08:50
Abaı • Búgin, 08:47
Mereke • Búgin, 08:45
Mereke • Búgin, 08:43
Uqsas jańalyqtar
