Tarıhı týyndy 2 aqpannan bastap elimizdiń barlyq kınoteatrlar jelisi arqyly úlken ekrandardan kórsetiledi.
«Qanysh» fılminiń sıýjettik jelisi geolog-ǵalym, akademık Qanysh Sátbaevtyń ómiri men eńbek jolyna negizdelgen. Kınotýyndy jas Qanyshtyń qazaq halqynyń basyna kún týǵan – asharshylyq jáne qýǵyn-súrgin jyldaryndaǵy geologııa salasyndaǵy alǵashqy qadamdaryn baıandaıdy.
Rejısseri - Erlan Nurmuhamedov, ssenarıı avtorlary - Ámir Ámenov jáne Alen Rahmetalıev. Fılmde Qanysh rólin Áset Esjan somdaıdy.
6 bólimdi «Qanysh. Qazyna» telehıkaıasyn «Qazaqstan» ulttyq telearnasy 2021 jyly túsirgen. Joba 2022 jyly tolyqmetrajdy fılm retinde halyqaralyq «Literature in Cinema» kınofestıvalinde «Úzdik fılm» («Best film») júldesine ıe boldy.
