Oqý baǵdarlamasyna sáıkes 2-kýrstyń 180-ge jýyq kýrsanty motoatqyshtar, tank jáne artıllerııalyq bólimshelerde, sondaı-aq teńiz jaıaý áskeri quramasynda bólimshe komandıri laýazymdarynda áskerı taǵylymdamadan ótedi. Tájirıbe bólimshelerdi úılestirý kezeńinde uıymdastyrylyp otyr. Bul óz kezeginde bolashaq serjanttarǵa áskerlerdi daıarlaý jáne jaýyngerlik qoldaný erekshelikterimen tikeleı tanysýǵa múmkindik beredi.
Bir aı ishinde olar kúndelikti jáne oqý-jaýyngerlik qyzmet úderisinde jeke quramdy basqarýdyń negizderin ıgerýi kerek. Kýrsanttar taǵylymdama barysynda baǵynystylardy óz betinshe basqarýǵa, jaýyngerlik daıarlyq, qarý-jaraq pen áskerı tehnıkany paıdalaný boıynsha sabaqtar ótkizýge tájirıbe alady. Sondaı-aq kóshbasshylyq jáne komandırlik qabiletterin jetildiredi.
– Bul men úshin de, kýrstastarym úshin de oqý ornynda alǵan teorııalyq bilimimizdi tekserýge jáne tájirıbede qoldanýǵa tamasha múmkindik. Munda kazarmalar men polıgondarda jeke quramdy basqara otyryp, biz serjanttar jumysynyń qanshalyqty mańyzdy ekenin túsinemiz. Qazirdiń ózinde sarbazdarǵa úlgi bolýǵa tyrysamyz, – dedi 4-mehanıkalandyrylǵan quramada taǵylymdamadan ótip jatqan kadet Rasýl Berdalıev.
Sh.Ýálıhanov atyndaǵy Qorǵanys mınıstrliginiń áskerı kolledji kásibı serjanttar mektebi bolyp sanalady. Bul jerde Qurlyq áskerleriniń bólimsheleri úshin kishi komandırlerdi daıarlaý boıynsha bilim berý baǵdarlamalaryn iske asyrady. Jasóspirimder oqý ornyna orta bilim alǵannan keıin (orta mekteptiń 11-synyby) túse alady.
Irikteý medısınalyq kýálandyrý, kásiptik-psıhologııalyq testileý jáne deneshynyqtyrý daıarlyǵy boıynsha normatıvterdi tapsyrý jolymen attestattyń ortasha baly eskerile otyryp júrgiziledi. Áskerı kolledjdi bitirgennen keıin túlekter «serjant» áskerı ataǵyn, «áskerı istegi kishi býyn menedjmenti» mamandyǵyn, synyptyq biliktiligin alady jáne kelisimshart boıynsha áskerı qyzmet ótkerý úshin Qarýly Kúshterge jiberiledi.
