«Búgingi kúni 28 myń kólikti zańdastyrýǵa ruqsat berildi. 5500 kólik ıesi tıisti qujattary men nómirlerin aldy», dep habarlady IIM ókilderi brıfıng barysynda.
Eske sala keteıik, kólikti zańdastyrýǵa ótinishti e-gov.kz elektrondy úkimet portaly arqyly, ekinshi deńgeıli bankterdiń ótinishteri arqyly, halyqqa qyzmet kórsetý ortalyqtarynda bere alasyz.
Erejege sáıkes, kólik 2022 jyldyń 1 qyrkúıegine deıin Qazaqstanǵa ákelinýi, qylmyskerlerdiń esebinde bolmaýy, basqa memlekette burynǵy tirkelgen jeri boıynsha esepten shyǵarylýy tıis. Sondaı-aq, Eýrazııalyq ekonomıkalyq odaqqa kirmeıtin elderden ákelinetin kólik kedendik resimdeýden ótýi tıis. Eger avtokólik zańdastyrýǵa jatatyn bolsa, onda bastapqy tirkeý úshin memlekettik baj, tirkeý kýáligi jáne memlekettik nómir úshin alym tóleý qajet.
Eske salaıyq, Qazaqstanda sheteldik kólikterdi zańdastyrý 2023 jyldyń 1 shildesine deıin jalǵasady.
