1 700 jolaýshynyń ótelgen shyǵyny

Osylaısha, vokzal men vagon­dardaǵy tıisti ınfraqurylym, jolserikter men basqa da qyzmet kórsetýshi personaldardyń etıkasy, negizsiz ósken bılet baǵasy sekildi asa ótkir problemalar ekinshi planǵa eriksiz ysyryldy. «Qazaqstan temir joly» ulttyq kompanııasy bizdiń suraǵymyzǵa bergen jaýabynda keshigýge negizgi úsh sebepti atap kórsetipti.

Ulttyq kompanııanyń habarlaýynsha, Qazaqstan temirjol jelisinde 139 jolaýshylar (onyń ishinde 15 halyqaralyq) jáne qala mańyna qatynaıtyn poıyzdar júredi. «Qozǵalys qaýipsizdigin qamtamasyz etý maqsatynda júk vagondarynyń relsten shyǵyp ketýine, aýa raıynyń qolaı­syzdyǵyna, sondaı-aq jos­par­ly temirjol jelisiniń jón­deý jumystaryna baılanys­ty temir­jol ýchaskeleriniń ótkizý qabi­leti tómendetildi. Osy­ǵan baılanys­ty jolaýshylar poıyzdarynyń jol júrý jıiliginde qozǵalys kestesi ózgerdi. 2022 jyldyń 17 qarashasynan qazirgi kúnge deıin 1 saǵattan astam ýaqyttan keshigip kelgen poıyzdardyń sany tirkeldi. Deı turǵanmen, poıyzdardyń bar­ly­ǵy uzaq ýaqytqa keshigip kelip jatqan joq», delingen jaýapta.

Bul rette poıyzdardyń qoz­ǵalys kestesine saı ýaqtyly júrýi úshin qysqartylǵan jáne toqtatylǵan poıyzdardyń jolaý­shy­laryn tasymaldaýǵa standartty vagondardan quryl­ǵan 18 bir­rettik poıyzdar jolǵa shyqqan.

«Sondaı-aq «Patentes Talgo S.L.» JShS-men birlesip, qalyp­tastyrý pýnktinde poıyzdarǵa teh­nıkalyq qyzmet kórsetý ýaqy­ty qysqartyldy. Ýaqytsha qysqar­tylǵan tehnıkalyq daıyndyq jáne birjolǵy poıyzdardyń jol júrýin jaraqtandyrý jumysymen qamtamasyz etilýde. Kompanııa ókilderimen mobıldi toptar uıym­dastyrylyp, temirjol vok­zal­darynda jolaýshylarǵa túsindirý, jolaýshylardy vagondarǵa otyrǵyzý jumystary júrgizilip jatyr. Jol júrý qujattaryn jáne olardyń aıyrmasyn qaı­tarý jumystary júrgizilýde. Buqaralyq aqparat quraldary, veb-saıttar, áleýmettik jeliler arqyly temirjoldaǵy ózgeris týraly jańalyqtar taratylyp jatyr. Keshiktirilgen poıyzdardyń josparly jóneltilýi úshin barlyq qajetti sharalar qabyldanýda», delingen habarlamada.

Jyljymaly quram men temir­jol ınfraqurylymynyń jyl­dan-jylǵa tozyp bara jat­­qa­nyn ult­tyq kompanııa moıyndap otyr. О́zderiniń málimdeýinshe, jyl sa­ıyn orta eseppen 450-500 km temirjolǵa kúrdeli jóndeý, son­­daı-aq aǵymdaǵy ustap turý jumys­tary júrgiziledi eken.

«Qozǵalys qaýipsizdigin qam­tamasyz etý úshin ýchaskelerde qozǵalys jyldamdyǵyna shek­teý­ler engizilse, bul poıyz­dar­dyń keshigýine ákeledi. Kom­panııa jol boıynda poıyzdar kidirisiniń sanyn azaıtý boıyn­sha uıymdastyrýshylyq jáne tehnologııalyq sharalar qabyl­daýda. Jolaýshylar poıyzy vagondarynyń tehnıkalyq jaı-kúıi normatıvtik jáne ózge de tehnıkalyq talaptarǵa saı», dep habarlady ulttyq kompanııa.

Magıstraldyq temirjol jelisinde 45 jol dıstansııasy qyzmet kórsetedi eken. Ár jol dıstansııasynyń qyzmet kór­setý shekarasy, joldyń kún­delik­ti tekserilýin, aǵym­daǵy jumys­tar­dyń oryndalýyn qam­tamasyz etý esebimen belgilengen. Oǵan qo­sa, bas joldardy keste boıyn­sha aıyna eki ret jyljymaly dıag­nostıkalyq keshendermen joldyń geometrııalyq ólshemderi men rels aqaýlaryn tekserip otyrady.

Kompanııa deregi boıynsha, 2022 jyly jolaýshylar poıyzdarynyń keshiktirilip kelgeni úshin 3 paıyz mólsherindegi ótemaqy 1 700-den astam jolaý­shyǵa tólengen.